کابل کا منفرد فیشن شو

افغان دارالحکومت کابل میں منعقد کیے گئے فیشن شو میں دو درجن ماڈلز شریک ہوئے۔ اِس نجی تقریب کا اہتمام خصوصی سکیورٹی کے سائے میں کیا گیا۔

اس تقریب میں شریک ماڈلز نے روایتی افغان ملبوسات پہن کر کیٹ واک کی۔ ان ملبوسات کا تعلق مختلف علاقوں سے کیا گیا تھا۔

افغان ملبوسات کو پہن کر کیٹ واک کرنے والوں میں چھ خواتین بھی شامل تھیں۔ اس فیشن شو میں مغربی پہناووں کو کوئی جگہ نہیں دی گئی تھی۔ تمام ملبوسات مختلف افغان علاقوں سے منتخب کیے گئے تھے۔

افغان معاشرہ قدامت پسند ہے اور فیشن شوز جیسی تقریبات کا تصور بھی نہیں کیا جا سکتا۔ اسی باعث کابل فیشن شو کے لیے سخت سکیورٹی رکھی گئی تھی۔

جولائی سن 2012 میں بھی ایک فیشن شو منعقد کیا گیا تھا۔ اُس فشن شو میں بھی نوجوان خواتین اور حضرات ماڈلز نے افغان ثقایت کے رنگ پیش کیے تھے۔

فیشن شو میں تقریباً تمام لباس بھاری افغان کشیدہ کاری کے حامل تھے اور خواتین نے زرق برق جواہرات کے زیورات کو بھی پہن رکھا تھا۔

کابل فیشن شو کے ایک منتظم کا خیال ہے کہ افغانستان کے منفرد کلچر کی مقبولیت کے لیے ایسی تقریبات ازحد اہم ہیں اور ان کی وجہ سے یہ ثقافت عالمی سطح پر بھی مقبول ہو سکے گی۔

فیشن شو کی پلاننگ کرنے والے ایک ماڈل کو متعدد مرتبہ دھمکیاں بھی دی گئیں۔ منتظمین کے مطابق یہ دھمکی آمیز ٹیلی فون کالز افغان طالبان اور دوسرے کٹر حلقوں کی جانب سے دی گئی تھیں۔