چینی قونصل خانے پر حملے، خاتون ایس پی کی تعریف

چینی قونصل خانے پر تین مسلح افراد نے دستی بم سے حملہ کر کے اندر داخل ہونے کی کوشش کی، تاہم وہ اس عمارت میں داخل نہ ہو پائے۔ انہوں نے اس دوران فائرنگ کی۔ جواب میں پولیس کی جانب سے کی گئی کارروائی کی قیادت ایس پی سوہائے تالپر نے کی۔

سی ایس ایس امتحان میں کامیاب ہونے والی سوہائے نے سن 2013ء میں پولیس جوائن کی تھی۔ سوہائے تالپر کا تعلق سندھ کے ٹنڈو محمد خان ضلعے کے ایک گاؤں سے ہے۔

سوہائے تالپر کی تعریف کرتے ہوئے سوشل میڈیا صارف مائدہ حمید گجر لکھتی ہیں، ’’زبردست ایس پی سوہائے تالپر آپ نے مسلح حملے کے خلاف ہراول دستے کی قیادت کی۔‘‘

ایک اور صارف مونا بلور کہتی ہیں، ’’سوہائے تالپر آپ ملک کے ہر مرد اور خاتون کے لیے بہادری اور امید کا نشان ہیں۔ آپ کو سلام ہو۔‘‘

سکندر بلوچ کہتے ہیں، ‘‘سندھ پولیس کی سوہائے تالپر پر فخر ہے اور انہیں سلام اور قانون نافذ کرنے والے اداروں پر بھی، جنہوں نے ایک بڑی سازش کو ناکام بنا دیا اور چینی قونصل خانے پر حملہ آور ہونے والے تینوں دہشت گردوں کو ہلاک کر دیا۔‘‘