چینی حکومت نے انسانی حقوق کے وکیل کو گرفتار کر لیا

چین نے انسانی حقوق کے معروف کارکن یُو وینشینگ کو گرفتار کر لیا ہے۔ اِن کی گرفتاری کی تصدیق وکیل وینشینگ کی بیوی نے کر دی ہے۔

گرفتار ہونے والے وکیل یُو وینشینگ کی بیوی شُو یان نے انسانی حقوق کی بین الاقوامی تنظیم ایمنسٹی انٹرنیشنل کے ایک ریسرچر پیٹرک پُون کو بتایا کہ اُس کے شوہر کو جمعہ انیس جنوری کی صبح گرفتار کیا گیا ہے۔ وین شینگ کو چین میں حقوق انسانی کی وکالت اور دفاع کرنے والا قرار دیا جاتا ہے۔

’چین ہم جنس پسندوں پر تشدد بند کرے‘

چینی نوبل امن انعام یافتہ لیو شیاؤبو انتقال کر گئے

چینی صدر کا دورہء ہانگ کانگ: جشن بھی، احتجاج بھی

سزائے موت دینے میں چین سب سے آگے

شُو یان کے مطابق انیس جنوری کی صبح جب اُن کے شوہر اپنے بچوں کو اسکول چھوڑنے کے لیے تیار تھے تو اُس وقت پولیس کی دو کاریں آئیں اور انہیں اپنے ساتھ لے گئیں۔ یان نے یہ بھی بتایا کہ انہوں نے مقامی پولیس کے ہنگامی مرکز کو فون بھی کیے لیکن کوئی جواب نہیں دیا گیا۔ یان کے مطابق اُنہیں کوئی خبر نہیں کہ اُن کے شوہر کو پولیس نے کس تھانے کے لاک اپ یا کس جیل میں بند کر رکھا ہے۔

یان کا خیال ہے کہ اُن کے شوہری وینشینگ کی گرفتاری کی بنیادی وجہ جمعرات اٹھارہ جنوری کو شائع ہونے والا وہ کھلا خط ہو سکتا ہے جس میں انہوں نے بیجنگ حکومت سے دستوری اصلاحات کا مطالبہ کیا ہے۔ یُو وینشینگ چینی کمیونسٹ پارٹی کی انیسویں سالانہ کانگریس کے موقع پر بھی ناقدانہ خیالات کا اظہار کر چکے ہیں۔

گرفتار ہونے والے انسانی حقوق کے چینی وکیل یُو وینشینگ

چینی حکام نے حال ہی میں گرفتار ہونے والے اس وکیل کی وکالت کا لائسنس معطل کر دیا تھا اور اُن کی جانب سے ایک وکالت کرنے کی فَرم قائم کرنے کی درخواست بھی مسترد کر دی تھی۔ چین کے خصوصی اختیارات کے حامل علاقے ہانگ کانگ میں قائم انسانی حقوق کے وکلاء کے گروپ نے وینشینگ کی گرفتاری پر گہری تشویش کا اظہار کیا ہے۔

ایمنسٹی انٹرنیشنل کے ریسرچر پیٹرک پون نے یُو وین شینگ کی گرفتاری پر تبصرہ کرتے ہوئے کہا ہے کہ اُن کی گرفتاری ظاہر کرتی ہے کہ صدر شی جنگ پنگ کی حکومت حالیہ ایام میں اپنے ناقدین کو کسی صورت برداشت کرنے پر تیار نہیں ہے۔ ایمنسٹی کے ریسرچر نے یہ بھی کہا کہ وین شینگ پر عنقریب کوئی فوجداری دفعات عائد کر کے لمبی سزا سنا دی جائے گی۔

اقوام متحدہ کی ستّرویں سال گرہ: جب دنیا نیلی ہو گئی

ملکوں سے لے کر بر اعظموں تک

اقوام متحدہ کی ستّرویں سال گرہ کی تقریبات کا آغاز نیوزی لینڈ سے ہوا۔ اس کے فوراً بعد آسٹریلیا کا مشہور سڈنی اوپیرا ہاؤس نیلے رنگ میں ڈوب گیا، اور پھر یہ سلسلہ ملکوں ملکوں، براعظموں براعظموں تک پھیل گیا۔ اس تصویر میں قزاقستان کے طالب علم الماتی میں اقوام متحدہ کے دفتر کے باہر اس عالمی تنظیم کا نشان بناتے دکھائی دے رہے ہیں۔
اقوام متحدہ کی ستّرویں سال گرہ: جب دنیا نیلی ہو گئی

دنیا کو اقوام متحدہ کے نیلے رنگ میں ڈھال دو

کوالالمپور شہر کی اہم ترین علامات پیٹروناس ٹوئین ٹاورز بھی نیلے روشنی میں ڈبو دیے گئے۔ واضح رہے کہ نیلا اقوام متحدہ کا تنظیمی رنگ ہے۔ اقوام متحدہ کی طرف سے جاری کردہ ایک بیان میں کہا گیا تھا کہ پچھہتر ممالک ’دنیا کو اقوام متحدہ کے نیلے رنگ میں ڈھال دو‘ نامی مہم کے تحت اپنے اہم مقامات پر نیلی روشنی میں بکھیر رہے تھے۔
اقوام متحدہ کی ستّرویں سال گرہ: جب دنیا نیلی ہو گئی

چوبیس اکتوبر، انیس سو پینتالیس

عظیم دیوار چین کے ایک حصے کو بھی اقوام متحدہ کی سال گرہ کے موقع پر نیلا کر دیا گیا تھا۔ چوبیس اکتوبر انیس سو پینتالیس کے روز اقوام متحدہ کا چارٹر نافذ العمل ہوا تھا۔ جمعے کے روز اقوام متحدہ کی جنرل اسمبلی کے ایک سو ترانوے رکن مالک نے اس عالمی تنظیم پر اپنے اعتماد کا اظہار کرتے ہوئے ایک قرارداد منظور کی۔
اقوام متحدہ کی ستّرویں سال گرہ: جب دنیا نیلی ہو گئی

نیلے رنگ میں نہایا ہوا

نیویارک میں واقع اقوام متحدہ کے مرکزی دفتر کی عمارت کو ایک روز پہلے ہی نیلا کر دیا گیا تھا۔ یہ عمارت دو روز تک نیلے رنگ میں نہائی رہی۔
اقوام متحدہ کی ستّرویں سال گرہ: جب دنیا نیلی ہو گئی

یو این ڈے کنسرٹث

جمعے کے روز اقوام متحدہ کے سیکرٹری جنرل بان کی مون نے ’یو این ڈے‘ کی مناسبت سے نیویارک میں منقعد کیے گئے ایک کنسرٹ سے بھی خطاب کیا۔ اس کنسرٹ کے انعقاد میں قوام متحدہ کی مدد کوریا کے اقوام متحدہ کے لیے مستقل مشن اور کوریئن براڈکاسٹنگ سسٹم نے کی تھی۔
اقوام متحدہ کی ستّرویں سال گرہ: جب دنیا نیلی ہو گئی

پیسا

اٹلی کے شہر پیسا کا معروف پیسا ٹاور بھی اقوام متحدہ کی سال گرہ کی مناسبت سے نیلا کر دیا گیا تھا۔
اقوام متحدہ کی ستّرویں سال گرہ: جب دنیا نیلی ہو گئی

عمان کا خراج عقیدت

اردن کے دارالحکومت میں واقع ’لے رائل ہوٹل‘ کو نیلی روشنی میں اتار کر اقوام متحدہ کو خراج عقیدت پیش کیا گیا۔
اقوام متحدہ کی ستّرویں سال گرہ: جب دنیا نیلی ہو گئی

انسانی حقوق کے دفاع کی سات دہائیاں

بان کی مون نے جمعے کے روز جنرل اسمبلی سے خطاب میں کہا کہ اقوام متحدہ کے ذریعے دنیا کے ’’کروڑوں افراد کو آزادی ملی‘‘۔ ان کا یہ بھی کہنا تھا کہ اقوام متحدہ مذہب، رنگ و نسل کے امتیاز کے بغیر انسانی حقوق کا دفاع کرتی ہے۔ اس تصویر میں آپاس تنظیم کے یورپی صدر دفتر میں ’یو این ڈے‘ کے حوالے سے ایک تقریب کا منظر دیکھ سکتے ہیں۔
اقوام متحدہ کی ستّرویں سال گرہ: جب دنیا نیلی ہو گئی

ایک بہتر دینا

بان کی مون کا کہنا ہے کہ اگر اقوام متحدہ کا ادارہ نہ ہوتا تو دنیا ایک بدتر جگہ ہوتی۔ اس تصویر میں وہ ایمپائر اسٹیٹ بلڈنگ کے ایک ماڈل کو کوریائی ستاروں کے ساتھ روشن کرتے دکھائی دے رہے ہیں۔

مصنف: شامل شمس

تاریخ 19.01.2018
مصنف عابد حسین
ایک یا ایک سے زیادہ کلیدی الفاظ درج کریں چین, انسانی حقوق, بیجنگ, ہانگ کانگ, شی جن پنگ, ایمنسٹی انٹرنیشنل
Feedback: فیڈ بیک
پرنٹ کریں یہ صفحہ پرنٹ کریں
پیرما لنک https://p.dw.com/p/2r7yS