موہالی ٹیسٹ: بھارت کی پوزیشن مستحکم
19 اکتوبر 2008اشتہار
بھارت کو آسٹریلیا پر اب تین سو ایک رنز کی ثبقت حاصل ہو چکی ہے۔ آسٹریلیا نے اپنی پہلی اننگز میں محض دو سو اڑسٹھ رنز اسکور کیے جس نے میچ میں اس کی پوزیشن کم زور کردی ہے۔
بھارت کی جانب سے لیگ اسپنر امیت مشرا نے شاندار بولنگ کا مظاہرہ کیا اور اکہتر رنز کے عوض پانچ وکٹیں حاصل کیں۔ پچیس سالہ مشراکپتان انیل کمبلے کے زخمی ہونے کے باعث یہ میچ کھیل رہے ہیں۔ بھارت کی دوسری اننگز میں میچ ختم ہونے تک وریندر سیہواگ نے ترپّن اور گوتم گھمبیر نے چھیالیس رنز بنائے تھے۔
آسٹریلیا کی جانب سے سب سے بہتر کارکردگی آل راؤنڈر شین ہاٹسن کی طرف سے سامنے آئی جنہوں نے بریٹ لی کے ساتھ آٹھویں وکٹ کی شراکت میں تہتر رنز کا اضافہ کیا۔