موزمبیق کے قصبے پر اسلامک اسٹیٹ کے قبضے کا دعویٰ | حالات حاضرہ | DW | 29.03.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

حالات حاضرہ

موزمبیق کے قصبے پر اسلامک اسٹیٹ کے قبضے کا دعویٰ

افریقی ملک موزمبیق کے شمالی مغربی حصے میں واقع ایک قصبے پر دہشت گرد تنظیم نے قبضے کا اعلان کیا ہے۔ اس دعوے کی تصدیق سائیٹ انٹیلیجنس گروپ نے بھی کی ہے۔

جس قصبے پر قبضے کا دعویٰ کیا گیا ہے، اس کا نام پالما ہے۔ اس پر حملہ پچھلے بدھ چوبیس مارچ کو کیا گیا تھا۔ حملے میں سینکڑوں جہادی شریک تھے، جو کشتیوں پر بیٹھ کر پہنچے تھے۔ یہ ایک ساحلی قصبہ ہے، جو شمال مغربی سمندری گھاٹ پر ہے۔

داعش کی نظریں اب وسطی ایشیائی جمہوریاؤں پر بھی

جہادیوں نے حملے کو آسانی سے عمل میں لانے کے لیے آسانی سمندری راستہ تلاش کیا تھا۔ یہ ایک جغرافیائی حقیقت ہے کہ تنزانیہ کی سرحد سے پالما نامی قصبہ زیادہ دور نہیں ہے۔

جہادیوں کا حملہ

شمال مغربی موزمبیقی قصبے پر جہادیوں کے حملے میں درجنوں افراد کے ہلاک ہونے کی اطلاعات سامنے آئی ہیں۔ کم از کم پینتیس ہزار افراد کے بے گھر ہونے کا امکان ظاہر کیا گیا ہے۔ ہلاکتوں میں اضافے کا قوی امکان ہے کیونکہ مسلح جہادی قصبے پر مکمل کنٹرول کی کوشش میں ہیں اور وہ کئی افراد کو بغیر کسی وجہ کے بھی قتل کر سکتے ہیں۔

Mosambik Matuge Distrikt | Flüchtlinge aus Cabo Delgado Provinz

جہادیوں کے حملے کے بعد بے گھر ہونے والے مقامی افراد کا ایک جتھا

حکومتی سکیورٹی اہلکاروں نے جہادیوں کے حملے کے بعد کئی غیر ملکیوں اور مقامی افراد کو محفوظ مقامات پر منتقل کرنے میں کامیابی حاصل کی ہے۔ ابھی تک حکومت کی جوابی فوجی کارروائی شروع ہونے کا نہیں بتایا گیا۔

لیبیا میں استحکام کی خاطر غیر ملکی فوجی مداخلت پر غور

حملے کے اہداف

موزمبیقی عسکری حکام کا کہنا ہے کہ گذشتہ بدھ کو داعش کے جہادیوں نے اپنے حملے میں قصبے کے ہوٹلوں، دوکانوں، بینکوں اور فوجی بیرکوں کو خاص طور پر نشانہ بنایا اور ان پر مارٹر گولے اور فائرنگ بھی کی۔ دفاعی محکمے کے ترجمان نے ایک ہوٹل سے نکل کر بھاگنے والے سات افراد کی ہلاکت کا بھی بتایا ہے۔

BG Mosambik | Alltag und Militarismus in Cabo Delgado

پالما قصبے میں تباہ شدہ پولیس چوکی

موزمبیق میں جہادیوں کی سرگرمیاں

دہشت گرد گروپ اسلامک اسٹیٹ سے وابستہ جہادی اس افریقی ملک میں سن 2017 سے مسلح سرگرمیاں جاری رکھے ہوئے ہیں۔ ان کی مسلح سرگرمیوں کا اصل مرکز موزمبیق کا مسلم آبادی والا علاقہ ہے۔ اب تک ایسی کارروائیوں میں ڈھائی ہزار افرد ہلاک اور سات لاکھ عام لوگ داخلی بے گھری کا شکار ہیں۔

یہ امر اہم ہے کہ پالما میں فرانسیسی تیل و گیس کی کمپنی ٹوٹال ایک اہم پراجیکٹ جاری رکھے ہوئے ہے۔

 ع ح۔ ع ا (روئٹرز)