شمالی کوریا: سلامتی کونسل کی قراردار کی ایک اور خلاف ورزی | حالات حاضرہ | DW | 29.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

شمالی کوریا: سلامتی کونسل کی قراردار کی ایک اور خلاف ورزی

شمالی کوریا کے تازہ میزائل تجربے پر بین الاقوامی برادری کی جانب سے شدید تنقید کی جا رہی ہے۔ یورپی یونین اور نیٹو نے تجربے کی مذمت کی ہے جبکہ امریکی صدر ٹرمپ نے کہا کہ واشنگٹن انتظامیہ ’اس معاملے کو دیکھ لے گی‘۔

امریکا، جاپان اور جنوبی کوریا نے شمالی کوریا کی اس نئی اشتعال انگیزی پر سلامتی کونسل کا ایک ہنگامی اجلاس بلانے کے لیے درخواست جمع کرا دی ہے۔ امید ہے کہ یہ اجلاس آج بدھ کے روز نیو یارک میں منعقد ہو گا۔

پیونگ یانگ حکومت نے تقریباً ڈھائی ماہ کے وقفے کے بعد ایک نئے بین  بیلسٹک میزائل کا تجربہ کیا ہے۔ ابتدائی اطلاعات کے مطابق یہ طویل فاصلے تک اپنے ہدف کو نشانہ بنانے کی صلاحیت رکھنے والا ایک میزائل ہے۔ جنوبی کوریا ذرائع نے بتایا کہ اسے جنوبی صوبے پیونگانگ سے داغا گیا۔ پینٹاگون کے بقول یہ میزائل پچاس منٹ تک ساڑھے چار ہزار کلومیٹر تک کی بلندی پر تقریباً ایک ہزار کلومیٹر کا فاصلہ طے کرتے ہوئے شمالی کوریا کے مشرقی ساحلوں کے پانیوں میں گر کر تباہ ہو گیا۔

تاہم شمالی کوریا کا دعویٰ ہے کہ اس تجربے کے بعد اب پورا امریکا اس کی زد میں آ گیا ہے، ’’ہوسوانگ 15 طرز کے اس میزائل کا تجربہ کامیاب رہا۔‘‘

ٹرمپ کا دماغ ماؤف ہو چکا ہے، کم جونگ اُن

کیا شمالی کوریا میں زلزلہ ایک اور جوہری دھماکے کا نتیجہ؟

شمالی کوریا کے جوہری حملے کا بھرپور جواب دیا جائے گا، میٹِس

 

تاہم ماہرین کامیابی کے اس دعوے پر تحفظات کا اظہار کر رہے ہیں۔ ایک بیان میں کہا گیا کہ میزائل کی پرواز کم تھی کیونکہ بین البراعظمی میزائل کم از کم پانچ ہزار کلومیٹر کی بلندی پر پرواز کرتا ہے۔

 امریکی صدر ڈونلڈ ٹرمپ نے اس پیش رفت پر اپنے اوّلین رد عمل میں کہا،’’ اب ہم اس معاملے کو دیکھ لیں گے‘‘۔ ساتھ ہی یہ بھی واضح کیا کہ اس نئے تجربے کے بعد پیونگ یانگ سے متعلق امریکی حکمت عملی میں کوئی تبدیلی نہیں آئے گی۔ وزیر خارجہ ریکس ٹلرسن نے تمام ممالک سے مطالبہ کیا ہے کہ وہ شمالی کوریا کے خلاف سخت اقتصادی پابندیاں عائد کریں۔

ویڈیو دیکھیے 00:35
Now live
00:35 منٹ

کیا شمالی کوریا کے خلاف فوجی کارروائی ہونی چاہیے؟

 

DW.COM

Audios and videos on the topic

اشتہار