جرمن پولیس کو مسخروں کی تلاش | حالات حاضرہ | DW | 21.10.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جرمن پولیس کو مسخروں کی تلاش

جرمن پولیس جوکر کےحلیے والے ایک ایسے شخص کی تلاش میں ہے جو ہاتھ میں ایک زنجیری آری لیے گھوم رہا ہے۔ اس شخص پر ملک کے مغربی حصے میں ایک خاتون کوخوفزدہ کرنے کا الزام ہے۔

مغربی جرمنی کے شہر ویزل میں ہونے والا یہ حالیہ واقعہ ملک میں اِس نوعیت کے دیگر پر تشدد واقعات کی ایک کڑی ہے۔

اِن واقعات میں بھی مسخروں جیسی وضع قطع رکھنے والے افراد کو عام لوگوں کا تعاقب کرتے یا اُن پر حملہ آور ہوتے دیکھا گیا۔

  بیس اکتوبر بروز جمعرات جرمنی کے شمال مشرقی شہر روسٹاک  میں ایک انیس سالہ شخص پر بیس بال بلّے سے حملہ کیا گیا۔ حملہ آور کلاؤن کےبھروپ میں تھا۔ جمعرات ہی کے روز اسی شہر میں ایک پندرہ سالہ لڑکا مسخرہ بنے ایک شخص کے ہاتھوں چاقو کے حملے میں زخمی ہوتے ہوتے بچا۔ اس سے قبل سن دو ہزار چودہ میں فرانس میں بھی ایسے واقعات دیکھنے میں آئے تھے جب ہالووین کے موقع پر جنوبی فرانس میں مسخروں کے بھیس میں نو عمر لڑکوں کی طرف سے خوف پھیلانے کی وارداتیں بڑھ گئی تھیں۔

خوفناک میک اپ میں مسخروں کا روپ دھارے ہوئے یہ نوجوان مسلح بھی ہوتے تھے۔ یاد رہے کہ مسخروں کا رُوپ دھار کر پیدل افراد کو ڈرانے دھمکانے کے واقعات امریکا اور برطانیہ کے کچھ علاقوں میں بھی رپورٹ ہوتے رہے ہیں۔     

 

 

اشتہار