گریوی ٹیشنل ویوز کا سراغ، سائنس کی دنیا میں ایک بڑی پیش رفت

گریوی ٹیشنل ویوز یعنی ثقلی امواج کی پیشین گوئی ایک صدی قبل البرٹ آئن سٹائن نے کی تھی۔ سائنسدان گزشتہ پانچ عشروں سے ان لہروں کا تجرباتی ثبوت حاصل کرنے کے لیے کوشاں ہیں۔ اب بالآخر پہلی مرتبہ ان لہروں کا براہِ راست سراغ لگا لیا گیا ہے۔ یہ لہریں ہمیں دور خلا میں عمل میں آنے والی ہنگامہ خیز تبدیلیوں کے بارے میں بہت کچھ بتا سکتی ہیں۔