چیمپئنز لیگ: بارسلونا اور چیلسی کے مابین آج سیمی فائنل

دومرحلوں پر مشتمل سیمی فائنلز کے اس دوسرے میچ میں جو بھی ٹیم کامیابی حاصل کرے گی وہ مانچسٹریونائٹیڈ کے ساتھ فائنل میں مد مقابل ہوگی جو 27 مئی کو روم میں کھیلا جائے گا۔

گزشتہ روز مانچسٹر یونائیٹڈ اور آرسنل کے درمیان کھیلے جانے والے سیمی فائنل میں مانچسٹر یونائیٹڈ نے آرسنل کو ایک کے مقابلے میں تین گول سے شکست دے کر فائنل میں اپنی جگہ پکی کر چکی ہے ۔

لندن کے Emirates اسٹیٹڈیم میں کھیلے جانے والے اس سیمی فائنل میں دفاعی چمپئین مانچسٹر یونائیٹڈ نےعمدہ کھیل کا مظاہرہ کیا۔ یونائیٹڈ نے دو مرحلوں پر مشتمل سیمی فائنل مقابلوں کے دوسرے میچ میں آرسنل کو شکست دے کر یورپی چیمپئیز لیگ کے فائنل تک رسائی حاصل کی۔

اس کھیل کی خصوصی بات پرتگالی کھلاڑی کرسٹینا رونالڈو کا کھیل رہا۔ رونالڈو نے مانچسٹر یونائیٹڈ کے لئے دو گول اسکور کئے۔ آرسنل کے کھلاڑی اس میچ میں کوئی خاص کارکردگی نہ دکھا سکے۔

آرسنل کی شکست پر اس ٹیم کے ایک پرستار نے کینیا کے دارلحکومت نیروبی میں خودکشی کرلی۔ 29 سالہ اومانڈی کی لاش اسکے گھر میں چھت سے لٹکی ہوئی ملی، اور اس نے اپنی پسندیدہ ٹیم کی ٹی شرٹ پہن رکھی تھی۔ مقامی پولیس اس بات کی تفتیش کررہی ہے کہ کیا اومانڈی نے واقعی آرسنل کی شکست سے دلبرداشتہ ہوکر خودکشی کی ہے۔