عالمی بینک کے مطابق اس وقت دنیا بھر میں انسانوں کو صاف پانی تک رسائی سے زیادہ موبائل فون اور بجلی تک رسائی حاصل ہے۔ ترقی پذیر دنیا میں ڈیجیٹل ٹیکنالوجی کے بڑھتے ہوئے استعمال کے باوجود اب بھی قریب چار ارب انسانوں کو انٹرنیٹ دستیاب نہیں۔ ترقی یافتہ اور ترقی پذیر ممالک کے درمیان یہ ’ڈیجیٹل خلیج‘ غریب ممالک میں ترقی، روزگار کے مواقع اور عوامی شعبے میں بہتری جیسی توقعات پورا کرنے میں ناکام نظر آتی ہے۔