نوبیل انعام برائے امن کا اعلان
12 اکتوبر 2007اشتہار
اِس سال اَیل گور کی دستاویزی فلم An Inconvenient Truth یعنی ایک تکلیف دہ حقیقت نے دو آسکر ایوارڈ جیتے تھے۔ اِس فلم میں امریکی باشندوں کو سبز مکانی اثرات اور زمینی درجہء حرارت میں اضافے کے بارے میں بتایا گیا تھا۔ اَیل گور نے 1,1 ملین یورو مالیت کے اِس انعام میں سے اپنے حصے کی رقم تحفظِ ماحول کےلئے اپنی ہی قائم کردہ تنظیم الائنس فار کلائیمیٹ پروٹیکشن (ACP) کے لئے وقف کرنے کا اعلان کیا ہے۔
عالمی ماحولیاتی کونسل اُن تقریباً تین ہزار سائنسدانوں کی تنظیم ہے، جنہوں نے اپنی بہت سی رپورٹوں میں موسمیاتی تبدیلیوں اور زمینی درجہء حرارت میں اضافے کے خطرات سے خبردار کیا ہے۔ اِس کونسل کے سربراہ ایک بھارتی ماہر ماحولیات راجندر پچوری ہیں۔