نقصان صرف کرکٹ کو پہنچے گا: میاں داد
18 دسمبر 2008اشتہار
جاوید میاں داد نے عاطف توقیر کے ساتھ ٹیلی فون پر بات چیت کرتے ہوئے بھارتی حکام کے تازہ فیصلے پر اپنا ردّعمل ظاہر کرتے ہوئے مزید کہا: ’’ دہشت گردی کے واقعات ہر جگہ ہورہے ہیں۔ ہمیں کرکٹ کھیل کر ان چیزوں کا مقابلہ کرنا چاہیے نہ کہ دوروں کو منسوخ کرنے کا فیصلہ کرنا چاہیے۔‘‘
میاں داد نے تاہم کہا کہ پاکستان کے دروازے بھارتی ٹیم کے لئے ہمیشہ کھلے تھے اور کھلے ہی رہیں گے۔ میاں داد نے کہا کہ پاکستانی کرکٹ بورڈ یہ چاہتا ہے کہ بھارتی ٹیم پاکستان کا دورہ کرے تاکہ شدت پسندوں پر یہ واضح ہوجائے کہ اُن کی حرکتوں سے کرکٹ کا کھیل متاثر نہیں ہوگا۔