غزہ:پانچ افراد ہلاک

فلسطینیوں اور اسرائیل کے مابین رواں سال جون میں طے پانے والے جنگ بندی کے معاہدے کے بعد یہ اب تک کے سب سے ہلاکت خیز حملے تھے۔ فلسطینی ذرائع کے مطابق یہ فضائی حملے دیرالبالا اور البریج کے علاقوں میں کئے گئے۔ منگل کی رات اسرائیلی فوج کے ساتھ جھڑپ میں عسکریت پسند تنظیم کے ایک رکن سمیت چار افراد ہلاک ہو گئے تھے۔

اسرائیلی ذرائع نے حملوں کی تصدیق کرتےہوئے کہا کہ یہ کارروائی مارٹرحملے کرنے والے والے فلسطینی مسلح گروپوں کے خلاف کی گئی۔ اسرائیلی فوجی ذرائع نے یہ الزام بھی لگایا کہ غزہ پٹی سے جنوبی اسرائیلی علاقے پر بدھ کی صبح پینتیس راکٹ داغے گئے جبکہ اس سے ایک روز قبل انیس راکٹ فائر کیے گئے تھے۔ ذرائع نے دعویٰ کیا ہے کہ مسلح فلسطینی گروپوں کے ساتھ جھڑپوں میں چار اسرائیلی فوجی زخمی بھی ہوئے۔