طیاروں کی تیاری میں قدرت سے رہنمائی
تھری ڈی ٹیکنالوجی نے انجینیئرز اور ڈیزائنرز کو جہازوں کے ایسے پرزے ایجاد کرنے میں مدد کی ہے، جو’پیچیدہ قدرتی نمونوں‘ سے متاثر ہو کر بنائے گئے ہیں۔
وکٹوریہ ’’ واٹر للی‘‘
ہالینڈ کے شہر روٹرڈیم کے چڑیا گھر میں والدین اپنے بچوں کو وکٹوریہ واٹر للی کے پتوں پر لٹا یا بٹھا کر تصاویر بھی بنوا سکتے ہیں۔ اس پتے کو ’’واٹر للی کی ملکہ‘‘ بھی کہا جاتا ہے۔ یہ پھول دو سال تک کے بچے کا وزن برداشت کر سکتا ہے۔
باریک بھی اور مضبوط بھی
وکٹوریہ سی روز یا واٹر للی ایک نازک مگر انتہائی مضبوط پودا ہے۔ اس کا چھوٹا پھول ایک چھوٹے بچے کا وزن برداشت کر سکتا ہے جبکہ بڑا پودہ ایک بالغ شخص کا وزن برداشت کرنے کی صلاحیت رکھتا ہے۔
راز سے پردہ فاش کیسے ہوا؟
تھری ڈی اسکینر نے اس پتے کی بناوٹ دیکھ کر ایئر بس بنانے والے انجینیئرز نے مدد حاصل کی ہے۔ ابتدائی طور پر اسے اسکین کر کے اس کی پیچیدہ بناوٹ کو سمجھا گیا اور پھر یہ تمام اعداد و شمار کو کمپیوٹر میں محفوظ کر دیے گئے۔
سہارا دینے والے پُل
واٹر للی میں بھی یہی اصول کارفرما ہے۔ اس میں جہاں زیادہ وزن پڑتا ہے، وہاں اس طرح کے ’پُل‘ موٹے بھی ہوتے ہیں اور ایک دوسرے کے زیادہ سے زیادہ قریب بھی۔ جہاں جہاں واٹر للی کی سطح پر دباؤ کم ہوتا ہے، وہاں فاصلہ بھی زیادہ ہوتا چلا جاتا ہے اور ’پُل‘ کا کام دینے والی شاخیں بھی پتلی ہوتی چلی جاتی ہیں۔
واٹر للی کی طرز پر بنے پَر
واٹر للی کی ساخت کو سامنے رکھتے ہوئے ایئر بس نے طیارے کے پروں میں استعمال کیا جانے والا یہ دھاتی ماڈل تیار کیا ہے۔ لیزر شعاعوں کی مدد سے تیار کردہ یہ ماڈل وزن میں بہت ہلکا لیکن انتہائی مضبوط ہے۔ کسی اور عمل کے ذریعے اسے تیار کرنا ممکن ہی نہیں تھا۔
ایئر بس میں اختراعی سرگرمیاں
پیٹر زانڈر نے ہیمبرگ میں تھری ڈی پرنٹنگ کے کام کو آگے بڑھایا ہے۔ واٹر للی کی طرز پر بنے پَر محض ایک منصوبہ ہیں جبکہ زانڈر نے ہیمبرگ یونیورسٹی سے قریبی طور پر جڑے ہوئے ادارے ’لیزر سینٹر نارتھ‘ کے ساتھ مل کر اور بھی کئی منصوبوں کو عملی شکل دی ہے۔ سن 2016ء سے ایئر بس اپنے تھری ڈی پرنٹرز کے ساتھ طیاروں کے حصے بنانے کا باقاعدہ سلسلہ شروع کر دے گی۔
انتہائی چھوٹے سائز میں بھی نمونے
الفریڈ ویگینر انسٹی ٹیوٹ ہی سے یہ حیاتیاتی نمونہ لیا گیا ہے۔ اس میں ایک یک خلوی الجی کی خوردبین سے لی گئی تصویر دیکھی جا سکتی ہے۔ اس چھوٹے سے وجود کے ڈھانچے کو بہت بڑا وزن اور دباؤ برداشت کرنا پڑتا ہے۔ یہی وجہ ہے کہ جب سے ارتقا کا عمل شروع ہوا ہے، یہ الجی اسی طرح کی خصوصی ساخت کے ذریعے حد سے زیادہ دباؤ کو برداشت کرتی چلی آ رہی ہے۔
یک خلوی الجی کی طرز پر
ماہرین نے یک خلوی الجی کی ساخت کو سامنے رکھتے ہوئے اس طرح کے وزن میں انتہائی ہلکے ڈھانچے تیار کیے ہیں، جنہیں طیاروں یا موٹر گاڑیوں میں استعمال کیا جا سکتا ہے۔ سہارا دینے کے لیے استعمال ہونے والی یہ پلیٹیں بھی تھری ڈی پرنٹر ہی کی مدد سے تیار کی گئی ہیں لیکن یہ دھات سے نہیں بلکہ پلاسٹک سے بنائی گئی ہیں۔
واپس طیارے میں
اس تصویر میں ایسا ایک پورا طیارہ دیکھا جا سکتا ہے، جس کا خاکہ حیاتی اصولوں کو سامنے رکھتے ہوئے تیار کیا گیا ہے۔ اس کا پورا ڈھانچہ ایسا معلوم ہوتا ہے، جیسے اس کی نمو ایک درخت کی طرح سے ہوئی ہو۔ تاہم ایئر بس کا یہ خاکہ ابھی عملی شکل اختیر کرنے کی منزل سے بہت دور ہے۔ حقیقت میں اس طرح کا منظر دیکھنے کے لیے شاید ہمیں ابھی مزید چند عشرے انتظار کرنا ہو گا۔
مستقبل کا طیارہ
سن 2016ء سے ایئر بس میں دھات سے چیزیں تیار کرنے والے تھری ڈی پرنٹرز کام کرنے لگیں گے۔ شروع میں چھوٹے سائز ہی کے پُرزے بن سکیں گے، زیادہ سے زیادہ ایک میٹر تک کے۔ پورے کے پورے طیارے، جیسا کہ اس تصویر میں نظر آ رہا ہے، ان پرنٹرز سے اتنی جلدی برآمد نہیں ہو سکیں گے۔ لیکن چھوٹے پُرزوں کا مطلب بھی یہ ہے کہ طیاروں کے وزن میں کافی زیادہ کمی آئے گی۔ کم وزن کا مطلب یہ ہے کہ وہ ایندھن بھی کم خرچ کریں گے۔