سلیم ملک سپریم کورٹ پہنچ گئے

سلیم ملک کومیچ فکسنگ پر پابندی کا سامنا کرتے ہوئے 9سال کا عرصہ گزر چکا ہے ۔

چوالیس سالہ سلیم ملک نے امید نے ظاہر کی کہ سپریم کورٹ کی طرف سے انہیں ضرور انصاف ملے گا اور ان پر پابندی ختم کر دی جائے گی۔

ڈویچے ویلے سے خصوصی گفتگو کرتے ہوئے انہوں نے کہا کہ ان کی آمدنی کا سارا دارومدار ہی کرکٹ پر تھا اور جب سے ان پر کرکٹ کی دنیا میں پابندی کا سامنا کرنا پڑا ہے انہیں انتہائی مشکلات ست دوچار ہونا پڑا۔

ایک سوال کے جواب میں انہوں نے کہا کہ اگرچہ وہ اب کرکٹ تو نہیں کھیل سکتے لیکن نوجوان نسل کو کچھ تو منتقل کر سکتےہیں۔ انہوں نے امید ظاہر کی کہ مستقبل میں اگر انہیں اجازت ملی تو قوم کی خدمت کے لئے وہ ایک اکیڈمی بنانا چاہیں گے۔