باجوڑ فوجی آپریشن اور متضاد دعوے
27 ستمبر 2008اشتہار
افغانستان سے ملحق پاکستان کے شِمال مغربی صوبہِ سرحد کے قبائلی علاقوں میں پاکستانی فوج کا عسکریت پسندوں کے خلاف فوجی آپریشن ہنوز جاری ہے اور اس آپریشن کے دوران ہلاکتوں کے بارے میں فوج اور عسکریت پسندوں کے مختلف دعوے سامنے آئے ہیں۔ دوسری جانب فوج اور طالبان کے درمیان جنگ کے باعث عام آدمی بری طرح متاثر ہوا ہے ۔ اسلام آباد میں ہمارے نمائندے امتیاز گل نے فوجی آپریشن کے مرکز باجوڑ کا دورہ کیا ۔ ان کا کہنا ہے کہ اس آپریشن میں سولین ہلاکتیں بھی ہوئی ہیں جس کی زمہ داری فوج طالبان پر طالبان فوج پر ڈالتے رہے ہیں۔ فوج کا کہنا ہے کہ طالبان عام آبادیوں میں پناہ لے لیتے ہیں جس کے باعث عام لوگوں کے زد میں آنے کے امکانات بڑھ جاتے ہیں۔