امریکی ساحل پر کتوں کی سرفنگ

اس مقابلے میں ہر کتے کے پاس بارہ منٹ ہوتے ہیں کہ وہ اپنی صلاحیتوں کے جوہر دکھائے۔ انہیں پانچ لہروں پر سواری کی اجازت ہوتی ہے اور جج انہیں نہایت انہماک سے مشاہدہ کرتے ہیں۔ یہاں صرف تکنیک نہیں بلکہ کئی دیگر وجوہات بھی پوائنٹس سے جڑی ہوتی ہیں۔

ان کتوں کو جیوری کو مائل کرنا ہوتا ہے کہ وہ مختلف شعبوں میں ان کے جوہر تسلیم کرے۔ ان کتوں کو سرفنگ بورڈ پر ان کے وقت کے ساتھ ساتھ مشکل لہر سے نمٹنے کی صلاحیت پر بھی پرکھا جاتا ہے۔ اس کتے کو ایک طاقتور لہر کا سامنا ہے، مگر یہ عمدہ طریقے سے اس سے نمٹنے میں کامیاب رہا۔

اس مقابلے میں مختلف طرز کے کتے شریک ہوتے ہیں۔ پگز سے لے کر لیبراڈورز اور بل ڈاگ تک، یعنی چھوٹی جسامت کے کتوں سے لے کر بڑے کتوں تک۔ اس مقابلے میں شرکت کے لیے صرف اہم یہ ہے کہ کتا باصلاحیت ہو اور لہروں پر سواری کر سکتا ہو۔

کیلی فورینا کے اس ساحل پر منعقدہ مقابلے کی وجہ سے بڑی تعداد سے تماشائی یہاں کا رخ کرتے ہیں۔ بہت سے کتے بھی اس مقابلے میں اپنے مالکان کے ساتھ تماشائیوں میں شامل ہوتے ہیں۔

امریکا کی مغربی ساحلی پٹی اونچی لہروں کی وجہ سے جانی جاتی ہے۔ مگر یہ بڑا سمندر مقابلے میں شریک کتوں کو بالکل نہیں ڈراتا۔ پانی میں یہ کتے اپنے مالکوں کے ہمراہ بہت پرسکون نظر آتے ہیں۔

مقابلے میں حصہ لینے کے بعد پانی سے نکلنے والے ان کتوں کے لیے یقیناﹰ بہت سا انعام منتظر ہے۔