هرات ته د ترکمنستان د وارداتي برېښنا مزی وتړل شو
۱۴۰۱ آذر ۲۴, پنجشنبه
اعلان
د طالبانو د حکومت ویاند ذبیح الله مجاهد ویلي دي چې د افغانستان د برښنا شرکت انجينرانو هرات ته د ترکمنستان د وارداتي برېښنا مزی په موقتي ډول تړلی دی.
هغه پر خپله ټویټر پاڼه لیکلي: «د اوس له پاره د دغه ولایت د برېښنا اړتیاوې رفع شوې.»
له ترکمنستانه هرات ولایت ته د وارداتي برېښنا مزی دوې ورځې وړاندې په رباط سنګي ولسوالۍ کې د توپان له امله پرې شوی و.
اړوند مطالب:برېښنا شرکت: ازبکستان افغانستان ته وارداتي برېښنا ۶۰ سلنه کمه کړې
په دې وروستیو کې د پلازمېنې کابل په ګډون د افغانستان په ټولو ولایتونو کې د برېښنا د پرچاوې له ډېرېدو شکایتونه ډېر شوي دي.
د کابل د برېښنا شرکت چارواکو ویلي دي چې د ازبکستان وارداتي بريښنا کې د تخنیکي ستونزو له امله د کابل برېښنا کمه شوې ده.
ویل کیږي چې ازبکستان فغانستان ته د خپلې برېښنا واردات تر ۶۰ سلنه ډېر راټیټ کړي.