ملګري ملتونه د افغانستان په اړه غونډه کوي
۱۴۰۰ بهمن ۵, سهشنبه
اعلان
په افغانستان کې د ملګرو ملتونو مرستندویه پلاوي یا یوناما نن سې شنبه (د ۲۰۲۲م کال د جنورۍ ۲۵مه) په ویناپاڼه کې ویلي دي چې د ملګرو ملتونو سرمنشي انتونیو ګوتیریش، د افغانستان له پاره د ملګرو ملتونو ځانګړې استازې دیبرا لاینز او د ناروې د بهرنیو چارو وزیره انیکین هویتفیلت به هم د افغانستان په اړه د امنیت شورا غونډې ته مالومات ورکړي.
دا غونډه داسې مهال رابلل کیږي چې د افغانستان په تړاو د ناروې پلازمینې اوسلو کې درې ورځنۍ غونډه پای ته رسېدلې.
طالب چارواکو د دې غونډې پایلې د افغانستان په ګټه بللي دي.
ویل کیږي چي طالبان هڅه کوي چې نړېواله ټولنه یې حکومت په رسمیت ومني، خو د ملګرو ملتونو سرمنشي په خپله وروستۍ بیانیه کې ویلي چې د طالبان په رسمیت منل په بشپړ ډول د ښځو او نجونو حقونو ته په درناوي پورې تړاو لري.