شمالی مقدونيه د ناټو ديرشم غړې شو
۱۳۹۹ فروردین ۹, شنبه
شماليٍ مقدونيې د جمعې په ورځ (د ۲۰۲۰م کال د مارچ ۲۷مه) په رسمي توګه د ناټو پوځي اتحاد غړې شوه.
د شمالي مقدونيې حکومت له خوا په يوه اعلاميه کې ويل شوي: «د شمالي مقدونيې جمهوريت د ناټو ديرشم نوی غړی دی.»
په پایتخت سکوپیه کې د حکومت په دغې اعلاميه کې زياته شوې ده: «موږ د نسلونو ارمان ورپوره کړ.»
په دې اړه د ناټو د عمومي منشي ينس ستولتنبرګ دفتر ويلي دي: «شمالي مقدونيه اوس د ناټو د کورنۍ جزء دی»
ستولتنرګ د ناټو په اړه زياته کړې د اطمینان پر اساس، دا د ۳۰ مليتونو او د شاوخوا يو ميليارد انسانانو کور دی، دا مهمه نه ده چې موږ د کومو ستونزو سره مخامخ يو، موږ ټول د يو بل تر څنګ لا ځواکمن او لا محفوظ یو.
د آلمان خارجه وزير هايکو ماس هم له دغه اقدام څخه هرکلی کړی او ويلي يې دي چې د دغې کورنۍ اوږد سفر بلاخره يو پای ته ورسید.
ماس وويل: «د ناټو په سازمان کې د شمالي مقدونيې يو ځای کيدل، په غربي بالکان کې امنيت او ثبات زياتوي. دا همدا رنګه د ناټو د پرانيستو دروازو سیاست يوه نخښه ده چې د آزادۍ، دموکراسۍ او بشرد حقونو په برخو کې مرسته کوي.»
شمالي مقدونيې د جمعې په ورځ وختي، د وروستي رسمي ګام په توګه خپل د «الحاق اسناد» په واشنګتن کې د امريکا متحده ايالاتو خارجه وزارت ته وسپارل.
د امريکا خارجه وزير مايک پمپئو ويلي دي چې «دا د شمالي مقدونيې د حکومت او د خلکو د ډيرو کلونو د هڅو نتيجه» ده.
شمالي مقدونيې تيرکال خپل نوم له مقدونيې څخه تغيير کړل تر څو يې د يونان او اروپايي اتحاديې تر منځ د کلونو اوږدې لانجې ته د پاي ټکی ايښی وي.
د شمالي مقدونيې د دفاع وزير په دې اړه يوه ټيوټ کې ويلي دي: «موږ دغې ورځ ته له نژدې ۳۰ کلونو راهيسې انتظار وو.» د دفاع وزير رادميلا سیکرینسکا زياته کړې: «موږ ټولو ته دې مبارک وي.»
په دې سره به سر د دوشنبې ورځې څخه په بروکسل کې د شمالي مقدونيې بيرغ هم پورته شي.