آیا افغانستان کې بشري مرستې په شفاف ډول ویشل کیږي؟

د افغانستان پر بیا رغاونه د څار ځانګړې ادارې "سیګار" وایي چې افغانستان کې اړمنو او مستحقو خلکو ته د مرستو رسولو په بهیر کې د طالبانو مداخلې اندیښنې راولاړې کړي دي. سیګار د روانې میلادي میاشتې په ۲۱ نېټه د ټویټر په یوه پیغام کې د ځینو شمېرو له خپرولو سره یو ځای افغانستان کې د ملګرو ملتونو له لوري په شویو مرستو کې د طالبانو د احتمالي مداخلې خبرداری ورکړی دی.