آلمان او نړۍ
د مخدره موادو د قاچاقبر ال چاپو میرمن هم ونیول شوه
په امریکا متحده ایالاتو کې پولیسو د مکسیکو د مخدره توکو د پخواني قاچاقبر خواکین «ال چاپو» ګُوزمن، میرمن نیولې ده. ایما کورونیل آیسپورو، د مخدره توکو د قاچاق له تورونو سره مخامخ ده.
دغه ۳۱ کلنه میرمن د واشنګټن په هوایي ډګر کې نیول شوې ده. پر کورونیل باندي چې د امريکا او مکسیکو تابعیت لري، تور دی چې امريکا ته د مخدره توکو لکه کوکاین، مېت آمفتامین، هیروینو او ماریونا په قاچاق کې ښکېله ده.
د امریکا متحده ایالاتو د عدلیې وزارت ویلي دي چې دغي میرمن پر نورو کسانو سربیره په ۲۰۱۵م کال کې د مکسیکو له یوه زندانه د ګُوزن، په تېښته کې مرسته کړې ده. زیاته شوې ده چې په ۲۰۱۷م کال کې هم له زندانه د هغه یوه تېښته پلان شوې وه.
ایما کورونیل آیسپورو، په ۲۰۱۹م کال کې په نیویارک کې د خپل خاوند د محاکمې استماعیه غونډې ته روانه ده
ال چاپو، ۲۵کاله په مکسیکو کې د سینالوآ- کارتل یا باند مشر وو. اوس هغه د متحده ایالاتو په کلورادو، ایالت کې په یوه زندان کې بندي دی چې سخت امنیتي تدابیر پکې مراعاتیږي. د ۲۰۱۹م کال په جولای میاشت کې د نیویارک یوې محکمې هغه په عمري او نور اضافي ۳۰ کاله بند باندې محکوم کړ. هغه مهال د ال چاپو میرمن، په محکمه کې موجوده وه.
ال چاپو په ۲۰۱۵م کال کې په مکسیکو کې له یوه زندانه تیښتیدلی وو. اوس هغه په متحده ایالاتو کې په یوه زندان کې دی چې په عمري بند محکوم شوی.
محکمې ۶۳ کلن ال چاپو په ټولو مواردو کي گرم بللی وو. په دغو تورونو کې پر نورو سربیره په یوه جرمي سازمان کې ونډه لرل، د هیروینو تولید او په نړیوال کچه یې خپرول، د پیسو سپینول او نور موارد شامل ول.
زموږ له آرشیف څخه:
DW.COM
- نیټه 23.02.2021
- مهم توري امریکا متحده ایالت, ال چاپو, مخدره مواد, مکسیکو
- ستاسو نظر: موږ ته خپل نظر راواستوﺉ
- چاپ دا پاڼه چاپ کړﺉ
- لنډ لینک https://p.dw.com/p/3pjuc
اړوند مطالب
- نیټه 23.02.2021
- مهم توري امریکا متحده ایالت, ال چاپو, مخدره مواد, مکسیکو
- موږ ته خپل نظر راواستوﺉ
- چاپ دا پاڼه چاپ کړﺉ
- لنډ لینک https://p.dw.com/p/3pjuc
