امریکايي الوتکي انتقالونکې کښتۍ په منځني ختیځ کي پاتیږ
۱۴۰۰ اردیبهشت ۴, شنبه
لکه څنګه چي د پنتاګون ویاند، جان کیربي پرون جمعه (د اپریل میاشتي ۲۳ مه) اعلان وکړ، د امریکا متحده ایالاتو د دفاع د وزیر، لوید استین په امر د USS Eisenhower په نامه امریکايي الوتکي انتقالونکې کښتۍ په منځني ختیځ کي پاتیږي او سربیره پردې دوې جنګي بی ۵۲ ماډل طیارې هم ورانتقال سوي دي.
په اټومي وسلو مجهزه دغه کښتۍ کي تقریبأ ۵۰۰۰ عسکر او په لسهاوو جنګي طیارې مستقري دي. کیربي وویل، چي د امریکا د متحده ایالاتو دپاره دا مهمه ده، چي د افغانستان څخه یې د ځواکونو راوتل په «اطمینان، منظم ډول او ارامۍ » سره تضمین سي.
کیربي همدارنګه وویل، چي د منطقې تقویه یې د افغانستان د ماموریت مسؤل امریکايي قومندان، جنرال استین مویلر ته د ضرورت پر وخت اضافه امکانات په اختیار کي ورکوي، ترڅو امریکايی عسکر او یا خپل متحدین وساتي او دفاع ځیني وکړي.
ناټو تیره اونی فیصله وکړه، چي تر شلو کالو وروسته د افغانستان څخه خپل ټوله ځواکونه راوباسي. امریکا متحده ایالاتو رسمأ ویلي دي، چي د همدې کال د سپټمبر تر ۱۱پوري به خپلي قواوي راوباسي، خو پدې منځ کي داسي هم ویل کیږي، چي کیدای سي هغوی د جولای تر ۴ پوري لا راووزي.
آ./م.ق./ا.ا.