ملاله یوسفزۍ له امریکا د افغان نجونو او ښخو د ملاتړ غوښتنه وکړه | افغانستان | DW | 07.12.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

ملاله یوسفزۍ له امریکا د افغان نجونو او ښخو د ملاتړ غوښتنه وکړه

د نوبل د سولې جايزې ګټونکې، پاکستانۍ فعالې، ملالې يوسفزۍ پر متحده آيالاتو غږ کړی چې په افغانستان کې له نجونو او ښځو څخه ملاتړ وکړي.

۲۴ کلنې ملالې يوسفزۍ د دوشنبې په ورځ په واشنګټن کې د امريکا متحده آیالاتو د بهرنيو چارو وزير سره په کتنه کې وويل چې «افغانتسان دا مهال يوازینی هغه هېواد دی چې نجونې پکې تعقيبي زدکړو ته لاسرسی نه لري.» د هغې په خبره «هغوی د زدکړې اجازه نه لري.»

ملاله يوسفزۍ وايي هغه «هيله» لري چې د امريکا متحده آيالات له ملګرو ملتونو سره «عاجل تدابير» پیل کړي څو «د دې تضمين وکړي چې جينکۍ هر څومره ژر خپلو ښوونځيو ته ستنېدای شي.»

په افغانستان کې د امريکايي ځواکونو تر وتلو وروسته تندلارو طالبانو بېرته قدرت نيولی دی. هغوی تر ډېره يوازې هلکانو ته د متوسطه او لوړو زدکړو اجازه ورکوي. درس ورته هم يوازې د نارينه وو له خوا ورکول کيږي. ملاله يوسفزۍ خپله په ۲۰۱۲ کال کې د ځوانې نجلۍ په توګه د پاکستاني طالبانو له يوه بريد څخه ژوندۍ وتلې وه.

DW.COM