په پاکستان کې یو شمیر افغان پناه غوښتونکو د کفن په اغوستلو سره مظاهرې کړي | سيمه | DW | 19.04.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

سيمه

په پاکستان کې یو شمیر افغان پناه غوښتونکو د کفن په اغوستلو سره مظاهرې کړي

یو شمیر افغان پناه غوښتونکو د پاکستان په پلازمېنه اسلام آباد کې د کډوالو له پاره د ملګرو ملتونو د عالي کمیسارۍ دفتر مخې ته د خپل نامعلوم برخلیک له کبله د کفن په څیر سپینو جامو په اغوستلو سره اعتراض کړی.

د دوشنبې په ورځ (۲۰۲۲م کال د اپریل ۱۸) په لسګونو افغان پناه غوښتونکو په اسلام آباد کې د کډوالو له پاره د ملګرو ملتونو د عالي کمیسارۍ (UNHCR) دفتر مخې ته په اعتراض لاس پورې کړ.

د هغو ویډیویي کلیپونو پر اساس چې اعتراض کوونکو رسنیو ته استولي دي دوی د نورو ترڅنګ له ځان سره په پلاکاټونو کې داسې شعارونه لیږدول چې «یا موږ ووژنئ یا مو هم له دې بې سرنوشتۍ څخه وژغورئ.»

د افغانستان د پخواني حکومت تر سقوط وروسته لسګونه زره کسان له هیواده تیښتې ته اړ شوي دي چې اکثره یي د پاکستان او ایران په څیر ګاونډیو هیوادونو ته مهاجر شوي دي. په داسې حال کې چې یو شمیر له دغو افغانانو څخه د پاکستان له لارې نورو هیوادونو ته په وتلو بریالي شوي دي، ډیر شمیر نور بیا په دغه هیواد کې خپل راتلونکې ته اندېښمن دي او د بې سرنوشتۍ له وضعیت سره مخامخ دي.

دغو اعتراض کوونکو د کډوالو په چارو کې د ملګرو ملتونو له عالي کمیسارۍ څخه وغوښتل چې د مهاجرت د کارتونو ویش او په مهاجر منونکو هیوادونو کې دې د نوم ثبتونې بهیر ګړندی کړي.

Pakistan Islamabad | Demonstration von Flüchtlingen aus Afghanistan

اسلام آباد کې د یوه شمیر افغان پناه غوښتونکو مظاهره

د بشیر احمد په نوم یوه له دغو اعتراض کوونکو څخه دویچه ویله ته وویل: «که د ملګرو ملتونو سازمان استازی موږ ته قناعت بخښونکی ځواب را نه کړي، موږ خپل اعتراض ته دوام ورکوو.»

دغو اعتراض کوونکو ویلي دي چې که غوښتونو ته یې ځواب ونه ویل شي، نو د ملګرو ملتونو عالي کمیسارۍ دفتر مخې ته به د پرلت خیمه ودروي. یوه بل اعتراض کوونکي وویل «تر څو چې زموږ غږ نه وي اوریدل شوی، موږ شپه همدلته تیرو، ځکه د ژوند کولو له پاره بل ځای نه لرو.»

دا په داسې حال کې ده چې اوس هم په زرګونو هغه افغانان چې د افغانستان له پخواني حکومت سره یي په مختلفو برخو کې په لوړو پوستونو کار کړی دی، د پاکستان په څیر د افغانستان په ګاونډیو هیوادونو کې امریکا متحده ایالاتو او اروپایي هیوادونو ته د وتلو په تمه د بې سرنوشتۍ ژوند تیروي. یو شمیر د دوی حتی د شپې تیرولو له پاره د کور یا هوټل د کرایي وسه هم نه لري.

شکیلا ابراهیم خیل: ش.ن/ ن.ز