په آلمان کې د اورگاډو د چلوونکو اعتصاب | آلمان او نړۍ | DW | 06.11.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په آلمان کې د اورگاډو د چلوونکو اعتصاب

په آلمان کې د اورگاډو چلوونکو اعلان کړی چې په یوه څلور ورځني اعتصاب لاس پورې کوي ترڅو د ملي ارگاډو شرکت یا Deutsche Bahn د هغوی د کاري شرایطو د ښه کولو او د معاشونو د لوړولو غوښتنې ومني.

د آلمان د اورگاډو د چلونکو صنفی اتحادېې (GDL) د سه شنبې په ورځ اعلان وکړ چې سر له نن چهار شنبې به د اورگاډي چلوونکي له کار کولو څخه لاس واخلی او پوره څلور ورځې به په ټول آلمان کې اورگاډي په ټپه ودروي. د آلمان د ترانسپورت په سکتور کې دغه اعتصاب بی سارې دی. له دی سره به د دغه هیواد ورځنې ژوند سخت اغیزمن شي.

د اورگاډو سپرلي که له یو خوا د نوموړي شرکت د کار کوونکو د غوښتنې پر وړاندی تفاهم ښکاره کوي خو په عین وخت کې د څو ورځو پر له پسی اعتصاب څخه ناخوښ دي. کارل پیتر نایمن، چې یو د دغو سپرلیو څخه دی وايی: «د معاشونو د لوړیدو غوښتنه پر ځای ده. خو دا لازمه نه ده چې د دی غوښتنې پیټۍ د اورگاډو د مشتریانو په اوږو بار کړای شي. سر بیره پر دې د اورگاډي شرکت او د کار ځایونو ته تاوان رسیږي.»

د مشتریانو له پاره بدیل ترانسپورتي وسایل

د اورگاډو د چلونکو صنفی اتحادیه GDL مشر کلاوس ویسیلسکي، د مشتریانو د قهر او غوصی پر وړاندی تفاهم نه لري او وایي چې هغوی په همدی وجه خپل اعتصاب مخکې له مخکې اعلان کړ ترڅو خلک د بدیلو ترانسپورتي وسایلو په لټه کې شي.

د اورگاډو د چلوونکو صنفی اتحادیهGDL د کاري ساعت د لږولو او په معاشونو کې د پنځه سلنه زیاتوالی غوښتنې کوي. که څه هم GDL د اورگاډو د کابو ۱۷۰۰۰ نورو کار کوونکو چې دیری یې د سپرلیو او مسافرینو پالنه کوي، صنفی اتحادیه نه ده خو د هغوی له پاره هم د اورگاډي له ملي شرکت څخه عیني غوښتنې لري.

له دغو کارکوونکو څخه د اورگاډو او عامه ترانسپورتونو یو بله ستره اتحادیه EVG استاریتوب کوي. د اورگاډو د چلوونکو اتحادیې GDL لا مخکې ویلی وو چې گواکې کولای شي له شرکت سره د نوموړو کار کوونکو په استاریتوب په ښه توگه مذکرې وکړي د هغوی له پاره ښه کاري شرایط برابر کړي. خو د EVG مشرالکزاندر کیرشنر، دا خبره رد کړې ده چېGDL کولای شي په خبرو اترو کې د هغوی غوښتني پر شرکت ومني او ښې پایلې تر لاسه کړي: «دا په بشپره توگه غلطه خبره ده. چې زموږ د کارکوونکو د غوښتنو په مبارزه کې GDL نسبت موږ ته اغیزمنه ده.»

د اورگاډو مشتریان له شرکت، د هغه له چلوونکو او نورو کارکونکو څخه غواړي چې په خبرو اترو کې باید ژر تر ژره روغې جوړې ته روسیږي. کارل پیتر نایمن وایي: «د هغوی تر منځ باید ژر تر ژره یو مرکچي وټاکل شي ترڅو غوښتنې یې واوري او یوې روغې جوړې ته یې قانع کړي.»

د آلمان د اورگاډو د چلوونکو له اعتصاب څخه نه یوازې د هغوی مشتریان، بلکه د دی هیواد صنایع هم اغیزمنیږي. هغه اورگادي چی سوداگریز مالونه لیږدوي په ټپه دریږي او له دې سره ډيری مغازې به په خپل وخت سره مالونه تر لاسه نه کړي.

DW.COM

اعلان