يوه افغان پولیس خپل څلور ملګري وژلي دي | افغانستان | DW | 01.03.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

يوه افغان پولیس خپل څلور ملګري وژلي دي

یوه افغان چارواکي ویلي دي چې د روزګان او کندهار لویې لاري په یوه پوسته کې یوه پولیس خپل څلور ملگري وژلي دي. زیاته شوې ده چې اوس هم ۱۱ تنه نور پولیس لادرکه دي.

د روزگان د پولیسو قوماندان جنرال غلام سخي روغ لیوني، د سه شنبې په ورځ د دغي پیښي له تائید سره ویلي دي دي چي۱۱ تنه نور پولیس اوس هم له دغي پوستې څخه لادرکه دي.

روغ لیوني زیاته کړې ده چي پیښه د دوشنبې په ماښام ناوخته رامنځ ته شوې.

دغه افغان چارواکي ویلي دي چي تر اوسه پوري لا روښانه نه ده چي د دوشنبې په ماښام په اصل کې څه پیښ سوي دي. تر اوسه پوري هیڅ کومي ډلي د دغي پیښي پړه پر غاړه نه ده اخیستې.

افغان پولیس چې د ډیرو لویو لارو د ساتلو مسئولیت لري، اکثره وخت د طالبانو له بریدونو سره مخامخیږي. خو ډیر وخت داسي هم کیږي چي پخپله پولیس هم خپل نور ملګري وژني او د وسلو او نورو تجهیزاتو له تښتولو سره، د پیښي له سیمي څخه لا درکه کیږي.

د ځواکونو پر شا کېدل

د روزگان ولايت چارواکو ويلي دي چي ځواکونه ئې د دغه ولايت د چارچينو ولسوالۍ د خارخورده سيمي څخه راوتلي دي.

د روزگان ولايت وياند دوست محمد ناياب د جرمني خبري آژنس (دي پي اې) ته ويلي دي چي امنيتي ځواکونه ئې د يادي ولسوالۍ له اتو پوستو څخه پر شا سوي دي: «دا کار ځکه سوی دئ چي امنيتي ځواکونو ته په سيمه کي د طالبانو گواښ موجود وو.»

د روزگان د ولايتي شورا غړي محمد ظاهر خان نادري، ويلي دي چي د چارچينو ولسوالۍ په خارخورده سيمه کي ۱۵۰ پوليس او عسکر ځای پر ځای ول. هغه زياته کړه ده چي د دغي سيمي د ساتني له پاره کافي ځواک نه سته.

د دوشنبې په ماښام د وسله والو طالبانو يوه وياند ادعا کړې وه چي د روزگان ولايت دغه سيمه دوی نيولې ده، خو د ولايت وياند د طالبانو دغه ادعا منفي تبليغات بولي.

اړوند مطالب