د کابل په بريد کې د مړو شمېر ختلی دی | آلمان او نړۍ | DW | 21.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د کابل په بريد کې د مړو شمېر ختلی دی

د کابل پر انترکانتيننتال هوټل په بريد کې د تازه شمېرو له مخې لږ تر لږه ۲۴ انسانان د ۱۴ تنو بهرنيانو په شمول وژل شوي دي. دغه خبره د افغانستان د کورنيو چارو وزارت کړې ده.

وروسته له هغه چې د کابل په انترکانتيننتال هوټل کې د طالبانو د بريد په نتيجه کې ۱۷ ساعته متقابلې ډزې وشوې، اوس د تازه شمېرو له مخې د مړو شمېر لوړ شوی دی. د رسمي څرګندونو په حواله لږ تر لږه ۱۸ تنه ملکي وګړي وژل شوي دي. د هغوی په منځ کې ۱۴ تنه بهرنيان او څلور تنه افغانان دي. دغه خبره د افغانستان د کورنيو چارو د وزارت وياند، نصرت رحيمي، د يکشنبې په ورځ وکړه. د هغه په خبره شپږ واړه بريدکوونکي هم وژل شوي دي.

اعلان