Серија торнада во САД – се стравува од стотина загинати

Во серијата торнада во САД доцна ноќеска по локално време загинале повеќе луѓе, само во југозападната држава Кентаки можно е да има до 100 жртви, како што изјави гувернерот Енди Бешир на прес конференција денеска утрото. „Сметаме дека бројот на загинати ќе надмине 50, ќе стигне можеби до 70 или 100. Торнадото и невремето кое нѐ зафати е едно од најлошите во историјата на Кентаки“, рече гувернерот.

Во американската држава Арканзас има две жртви, загинати има и во Илиноис.

Според ТВ СиЕнЕн, невремето ноќеска зафатило пет американски држави, погодени биле и Тенеси и Мисури. Невремето продолжи кон исток, се стравува дека ќе предизвика натамошни торнада.

Во Кентаки најпогодено е местото Мејфилд, посебно тамошна фабрика за свеќи која се наоѓале околу 110 луѓе.

„Веројатно загубивме голем дел од нив“, изјави гувернерот на Кентаки. Во оваа сојузна држава во местото Ерлингтон воз излетал од шините и влетал во повеќе куќи. Се испитува со што бил натоварен и колку луѓе во околината се повредени.

Во Едвардсвил во јужниот дел од Илиноис продолжуваат спасувачките работи по делумниот пад на покривот на складиште на концернот Амазон, не се знае колкумина се наоѓале во објектот.