Неми гиганти - највисоките статуи во светот
Во индиската сојузна држава Гуџарат свечено е откриена најголемата статуа на светот. Но, рекордот нема долго да трае, тоа е веќе предвидливо. Ви нудиме преглед на џиновските статуи низ светот.
„Статуа на единството“ во Индија
182 метри високата статуа е највисока во светот, а го претставува Сардар Валабхбаи Пател, борец за независност и следбеник на Ганди. Статуата чинела 355 милиони евра, а трошоците предизвикале незадоволство кај локалните селани. Наскоро во близина на градот Мумбаи во Индија треба да биде завршена една уште повисока статуа - 190 метри.
Често копирана икона - Статуа на слободата, САД
Таа е двојно пониска од онаа на Пател, но сигурно нема никој да ѝ ја загрози најголема светска слава - во 1886. година подигнатата Статуа на слободата кај Њујорк. Неокласицистичкиот колос, еден од препознатливите симболи на САД и светско наследство на УНЕСКО, е постојано копиран, копии на статуата има меѓу другото во Токио и Елзас.
Новото светско чудо - Статуата на Исус, Бразил
30 метри високата статуа на Исус Христос од 1931. година заштитнички ги шири рацете над Рио де Жанеиро и на посетителите им ја овозможува прекрасната глетка врз градот од височина. Статуата е една од најомилените туристички атракции во Бразил, а од 2007. година се вбројува во Седумте нови светски чуда.
Златниот гигант - Буда во Мјанмар
Оној кој патувал низ Југоисточна Азија, веројатно видел многу статуи на Буда во бројните храмови. Но, со височина од 116 метри (129, ако се смета и постаментот), позлатената статуа на исправениот Буда од 2008. година го привлекува вниманието на посетителите во Мјанмар. Таа, покрај таква слична во Џонгјан во Кина, е една од највисоките статуи на Буда во светот.
Божица во морето - Гуанин во Кина
На снимката од височина монументалниот карактер на оваа статуа на божицата Гуанин, изградена во 2005. година во јужна Кина, доаѓа посебно до израз. Во народното верување Гуанин се слави како божица на сочувството, една од најважните фигури во источноазискиот будизам. Статуата е висока 78 метри, се издига во морето покрај брегот во провинцијата Хаинан.