1. Прескокни до содржината
  2. Прескокни до главната навигација
  3. Кон други страници на DW
Кинески нуклеарни проектили Донгфенг 41 на воена парада во Пекинг (октомври 2019 година)
Кинески нуклеарни проектили Донгфенг 41 на воена парада во Пекинг (октомври 2019 година)Фотографија: Zhang Haofu/Xinhua/picture alliance
КонфликтиКина

САД: Кина забрзано го проширува својот нуклеарен арсенал

СН/агенции
30 ноември 2022

Кина, според американското министерство за одбрана, во меѓувреме располага со повеќе од 400 оперативни атомски боеви глави. Тој број би можел трикратно да се зголеми до 2035, што предизвикува загриженост во. Вашингтон.

https://p.dw.com/p/4KGnK

Кина веројатно ќе има на располагање околу 1.500 атомски боеви глави до 2035 година доколку продолжи со сегашното темпо на развој на нуклеарно оружје, се наведува во последниот извештај на Пентагон.

Бројката ја нагласува растечката загриженост на САД во врска со намерите на Кина за проширување на нуклеарниот арсенал иако проекциите не сугерираат дека Кина го забрзува темпото на својот, и онака, брз развој на боеви глави.

„Тие имаат брзо зголемување кое е некако премногу значајно за да се држи во тајност“, соопшти висок претставник на американското министерство одбрана за време на брифингот за годинешниот извештај на Пентагон за кинеската војска.

Во извештајот, кој првенствено ја покрива активноста во 2021 година, се наведува оти Кина во моментов во нуклеарните залихи има повеќе од 400 боеви глави.

Проценка на залихите на нуклеарни боеви глави на деветте атомски сили во светот
Проценка на залихите на нуклеарни боеви глави на деветте атомски сили во светот

Како што соопшти американскиот претставник, проекцијата на Пентагон за кинескиот нуклеарен арсенал од 1.000 боеви глави до 2030 година останала непроменета и додаде дека проекцијата за 2035 година е заснована на непроменето темпо на развој на атомско оружје од страна на властите во Пекинг.

Кина вели оти нејзиниот атомски арсенал е помал од арсеналот на САД и на Русија и дека е подготвена за дијалог, но само доколку Вашингтон ги намали своите нуклеарни залихи на ниво на Кина.

Според податоците на истражувачкиот центар од Стокхолмскиот меѓународен инститот за истражување на мирот (СИПРИ), САД имаат залихи од околу 3.700 боеви глави, од кои речиси 1.740 се распоредени.

Во извештајот на Пентагон повторно е изразена загриженост поради сѐ поголемиот притисок на Пекинг врз Тајван.

 

Прескокни го блокот Поврзани теми
Прескокни го блокот Тема на денот

Тема на денот

Северна Македонија останува во групата „демократија со недостатоци“

Бугарија и Македонија со ниски оценки за политичка култура

Прескокни го блокот Повеќе теми
Врати се на почетната страница