Шолц од Киев: Ако Украина напредува во ЕУ, мора и Западниот Балкан | Свет | DW | 16.06.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Шолц од Киев: Ако Украина напредува во ЕУ, мора и Западниот Балкан

Германскиот канцелар Олаф Шолц од Киев порача дека ќе ја поддржи кандидатурата на Украина во ЕУ, но потсети дека паралелно мора да почнат да напредуваат и државите од Западниот Балкан.

Германија ќе стори сѐ што е во нејзина моќ за Украина да добие кандидатски статус во ЕУ, изјави канцеларот Шолц во Киев, дополнувајќи дека таа земја „му припаѓа на европското семејство“.
„Германија е за позитивна одлука за Украина. Тоа се однесува и на Молдација“, рече Шолц.

Но, притоа германскиот канцелар потенцираше дека мора да им се овозможи и на земјите од Западниот Балкан, од кои дел одамна се кандидати, да напредуваат на тој пат. 

„Прашање на европската веродостојност е конечно да го исполниме ветувањето кон земјите од Западниот Балкан, кои се на овој пат со години, а овојпат и со конкретни термини“, рече Шолц во Киев. 

Во однос на Украина тој порача дека постојат јасни критериуми за членство во ЕУ кои мораат да ги исполнат сите кандидати. „Ова особено се однесува на владеењето на правото и демократските стандарди“, рече Шолц. Тој побара од ЕУ да се подготви за новиот развој и да ги модернизира своите структури и механизми. 

Ukraine | Olaf Scholz, Emmanuel Macron, Mario Draghi und Klaus Iohannis besuchen Irpin

Европските лидери го посетија градот Ирпин

Шолц минатата недела беше на балканска турнеја во рамките на која го посети и Скопје, од каде исто така порача дека земјата треба веднаш да ги започне преговорите со ЕУ.

Во четвртокот во Киев, заедно со францускиот и романскиот претседател Емануел Макрон и Клаус Јоханис, и италијанскиот премиер Марио Драги, Шолц се сретна со претседателот Володимир Зеленски, а заедно го посетија и разурнатиот град Ирпин. 

„Ние четворица го поддржуваме давањето кандидатски статус за членство на Украина“, изјави Макрон.  

Европските лидери и ветија на Украина натамошна воена помош и ги отфрлија шпекулациите дека бараат од Киев да влезе во преговори со Москва.

DW.COM