1. Прескокни до содржината
  2. Прескокни до главната навигација
  3. Кон други страници на DW
Tschechien I EU-Ratspräsidentschaft - Petr Fiala
Чешкиот премиер Петр Фиала при преземањето на претседавањето со ЕУФотографија: Vit Simanek/CTK/picture alliance

„Чешка е вознемирена поради францускиот предлог“

БГ
8 јули 2022

Чешка и други земји-членки на ЕУ се вознемирени поради францускиот предлог за почеток на пристапните преговори со Северна Македонија, изјави денеска во Скопје чешката аналитичарка Јана Јузова

https://www.dw.com/mk/%D1%87%D0%B5%D1%88%D0%BA%D0%B0-%D0%B0%D0%BD%D0%B0%D0%BB%D0%B8%D1%82%D0%B8%D1%87%D0%B0%D1%80%D0%BA%D0%B0-%D0%BF%D0%BE%D0%B2%D0%B5%D1%9C%D0%B5%D1%82%D0%BE-%D0%B5%D1%83-%D1%87%D0%BB%D0%B5%D0%BD%D0%BA%D0%B8-%D0%BD%D0%B5-%D0%B1%D0%B8%D0%BB%D0%B5-%D0%BA%D0%BE%D0%BD%D1%81%D1%83%D0%BB%D1%82%D0%B8%D1%80%D0%B0%D0%BD%D0%B8-%D0%B7%D0%B0-%D1%84%D1%80%D0%B0%D0%BD%D1%86%D1%83%D1%81%D0%BA%D0%B8%D0%BE%D1%82-%D0%BF%D1%80%D0%B5%D0%B4%D0%BB%D0%BE%D0%B3/a-62414574?fbclid=IwAR2i-5p_gv4LTUFFRb4KMJvrGAMk2MA8ggPGNM4emVKgw48JYgnj2nV1ffk

Во Чешка, како актуелен претседавач со ЕУ, но и во бројни други земји-членки на Унијата постои голема вознемиреност поради францускиот компромисен предлог за надминување на бугарското вето, рече Јана Јузова од чешкиот Институт Еуропеум за време на денешната дебата на тема „Западен Балкан и ЕУ во 2022 година: што претстои? Која ја организираше Институтот за европска политика (ЕПИ) во Скопје.

„Според она што го слушнавме од чешкото МНР тие се многу вознемирени со Франција и Бугарија, а причината е што за предлогот не биле консултирани други земји-членки. Била консултирана само Бугарија, а останатите земји биле оставени во темнина“, рече Јузова за време на дебатата. Според неа, Чешка и мнозинството земји-членки „ги гледаат сериозните проблеми" во францускиот предлог и разбираат „зошто е толку тешко за Северна Македонија да го прифати."

„Многу сум загрижена за тоа каква ситуација ние како ЕУ создаваме со овој пристап. Чешкиот пристап ќе биде да се направи колку е можно помала штета, да се ублажат негативните ефекти и да се осигура дека ова нема да биде траен преседан. Дури и да се постигне компромис, тоа нема да биде нешто со што Северна Македонија ќе биде среќна. Ние мора да осигураме дека ова нема да стане преседан кој ќе го користат и други земји-членки кон кандидати,“ рече Јузова.

Повикувајќи се на информации од чешкото претседателство со ЕУ, Јузова рече дека и доколку Скопје го одбие францускиот предлог, Прага воопшто не размислува да ги раздвои Северна Македонија и Албанија на патот кон ЕУ.

„Чешкото претседателство смета дека раздвојувањето само ќе му даде легитимитет на бугарското вето. Не се согласуваме со аргументите на некои други земји кои сметаат дека натамошната блокада на Албанија ќе го дестабилизира регионот, напротив сметаме дека ќе го зголеми притисокот врз Бугарија и ќе ја зголеми солидарноста меѓу земјите во регионот. Тоа ќе придонесе да се зголеми притисокот врз Бугарија не само од страна на ЕУ, туку и од Западниот Балкан“, рече на дебата во Скопје, Јана Јузова од чешкиот Институт Еуропеум. 

 

Прескокни го блокот Тема на денот

Тема на денот

Членството во Европската политичка заедница не е замена за членството на С.Македонија во ЕУ, во повеќе наврати беше нагласено во Брисел

Прашки самит, европска зима и македонски очекувања

Прескокни го блокот Повеќе теми

Повеќе теми

Врати се на почетната страница