1. Прескокни до содржината
  2. Прескокни до главната навигација
  3. Кон други страници на DW
Nordmazedonien | Impfzentrum in Skopje
Фотографија: Petr Stojanovski/DW
Здравје

7 до 10 илјади вакцинации на ден

СН/агенции
10 април 2021

Во моментов 3000 до 4000 македонски граѓани дневно примаат вакцина против коронавирусот. Планот на здравствените власти е таа бројка да се зголеми на седум до десет илјади.

https://p.dw.com/p/3roBB

Најголемиот дел од граѓаните и натаму ќе се имунизираат во најголемиот пункт за вакцинација во земјата, салата „Борис Трајковски“.  Од почетокот на неделава таму руски вакцини Спутник Vпримаат припадници на војската и полицијата, здравствени работници, наставници од прво до трето одделение и воспитувачи во градинките.

Наредната недела следува вакцинацијата на останатите приоритетни групи, односно вработени во обвинителството, судовите, инспекциските служби, новинарите и медиумските работници, најави вчера министерот за здравство Венко Филипче. 

Досега во земјата, според министерот се вакцинирани преку 18.200 граѓани. 

Во пунктовите во здравствените домови низ земјава. Паралелно тече и вакцинацијата на лица над 77 години со АстраЗенека и како ќе пристигнуваат нови дози, така ќе се спушта и старосната граница за примање на вакцината. 

Филипче најави во македонските медиуми дека во текот на  месецов се очекуваат околу 300 000  нови дози на ковид-вакцини:  200 000 на „Синофарм“ од Кина, околу 11 000 од директниот договор со „Фајзер“, 25 илјади вакцини преку трипартитните договори со земјите членки на ЕУ, нова количина од руските „Спутник“ и останатите дози на „Астра Зенека“ преку Ковакс-системот.

Србија: Вакцина за доверба

Тој е задоволен од динамиката на имунизацијата и најави дека вакцинирањето нема да прекине. 

„Сега се вакцинираат 3000-4000 дневно. Нашиот план е меѓу 7000 и 10 000 на ден – седум илјади е оптимална бројка, а 10 000 во максимална оптовареност на системот. Тоа е добра динамика за нашата земја“, рече Филипче, кој апелираше за масовно пријавување за вакцинација. 

 

Прескокни го блокот Поврзани теми
Прескокни го блокот Тема на денот

Тема на денот

Зградата на бугарскиот парламент

РСМ - тема и на последната седница на бугарското собрание

Прескокни го блокот Повеќе теми
Врати се на почетната страница