УЕФА сепак ќе ги истражува навредите на Арнаутовиќ кон Алиоски | Панорама | DW | 15.06.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

УЕФА сепак ќе ги истражува навредите на Арнаутовиќ кон Алиоски

Европската фудбалска организација сепак ќе отвори истрага по жалбата на ФФМ за однесувањето на австрискиот напаѓач на мечот од првото коло на ЕП против Северна Македонија. Арнаутовиќ во меѓувреме се извини.

Fußball EURO 2020 Vorrunde/ Österreich-Nordmazedonien 3-1 | Alaba und Arnautovic

Капитенот на Австрија, Давид Алаба го држи за уста Арнаутовиќ по постигнатиот гол.

Австрискиот репрезентативец Марко Арнаутовиќ се извини за навредите упатени кон македонскиот репрезентативец Езѓан Алиоски за време на мечот во Букурешт во неделата. Европската фудбалска организација, според германските медиуми најпрво немаше намера да отвора истрага и покрај жалбата на ФФМ, но предмалку соопшти дека именувала инспектор кој ќе го истражува поведението на Арнаутовиќ. .

„На вчерашниот натпревар имаше некои жешки зборови искажани среде емоциите на мечот за кои би сакал да се извинам, особено на моите пријатели од Македонија и Албанија“, порача Арнаутовиќ преку својот Инстаграм профил.
„Не сум расист“, рече австрискиот репрезентативец од српско потекло, а потоа упати и извинување и на македонски и на албански јазик.
По постигнувањето на својот прв, а трет гол за Австрија на мечот, Арнаутовиќ го навредуваше и пцуеше Алиоски на национална основа.

Фудбалската федерација на Македонија синоќа соопшти дека побарала од УЕФА да го истражи инцидентот и да го казни Арнаутовиќ за навредите.

„Најостро го осудуваме националистичкиот испад на Марко Арнаутовиќ упатен кон Езѓан Алиоски. Поднесовме официјален допис до УЕФА во кој бараме најстрога казна за Арнаутовиќ. ФФМ е секогаш против национализам, дискриминација и сите други форми на навреди и испади кои не се во духот на фудбалот и вредностите за кои сите заедно се залагаме“, соопшти ФФМ на својата Фејсбук страница. 

Според информации на германската спортска агенција СИД и на други германски медиуми утрово, УЕФА не планирала да отвори истрага за Арнаутовиќ. Тоа за СИД го потврдил портпарол на УЕФА, но причините не беа наведени. На прашање на ДВ, предмалку од УЕФА соопштија дека сепак е именуван инспектор кој ќе го анализира однесувањето на австрискиот репрезентативец. 

Арнаутовиќ вчера и во интервју за австриската државна телевизија ОРФ се обиде да ги смири страстите и уште еднаш да се извини за инцидентот. Тој вели дека по мечот разговарал со Алиоски и во соблекувалната, а во понеделникот и со капитенот на македонската фудбалска репрезентација Горан Пандев.

Fussballspieler I Eljif Elmas

Алиоски вели дека ги расчистиле недоразбирањата со Арнаутовиќ

„Тој (Пандев, н.з.) ми е добар пријател и ми рече, заборави се, знам како е во фудбалот и какви се емоциите“, вели Арнаутовиќ.

Во интервју за албански медиуми и Алиоски потврди дека ги расчистиле недоразбирањата со Арнаутовиќ.

„Јас и Арнаутовиќ зборувавме по мечот и ги разјаснивме работите. Тој се извини, дојде во соблекувалната и ми подаде рака и тоа беше навистина фер од него“, рече Алиоски за „Дигиталб“.

Гледај видео 01:05

Тимот кој дише во еден здив

DW.COM