Старт на новата сезона во Бундеслигата | Панорама | DW | 26.08.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Старт на новата сезона во Бундеслигата

Почетокот на викендот носи големо задоволство за германските фудбалски фанови. Со вечерашниот натпревар помеѓу Бајерн Минхен и Вердер Бремен започнува 54-та сезона во германската Бундеслига.

За милиони Германци изминативе неколку недели беа период на мачно исчекување и на огромна празнина. Сѐ до денеска. Од вечерва во 20:30 сѐ ќе биде повторно во најдобар ред. Да, животот повторно ќе биде исполнет а викендите ќе бидат вистинска закуска. Почнува Бундеслигата односно според длабоко субјективното гледање на сите тие милиони Германци- најдобрата фудбалска лига во светот.

Првиот натпревар ќе се одигра помеѓу тимовите на Бајерн Минхен и Вердер Бремен. Домаќинот на првиот натпревар според традицијата е актуелниот шампион, Бајерн Минхен, а гостинскиот тим на Вердер Бремен сезоната ја заврши на 13-то место од табелата.

Најголемата новина на овој натпревар е новиот тренер на домаќините - Карло Анчелоти. По едногодишна пауза од тренерската работа, тој застанува на кормилото на еден од најквалитетните клубови во Европа. Токму поради тоа, очекувањата на фановите се: минимум освојување на трофејот во домашната лига и успех во Лигата на шампионите. Ова е разбирливо доколку се земе предвид дека Бајерн Минхен четири години по ред ја освојува домашната титула, а во истиот период три пати се пласираше во полуфиналето на Лигата на шампионите. Сепак, Анчелоти е единствениот тренер во Европа кој три пати го има освоено најпрестижниот европски трофеј, со Милан во 2003 и 2007 година и со Реал Мадрид пред две години. Но Анчелоти не е единственoто ново лице на ко во наредните месеци ќе му се радуваат германските фудбалски фанови:

DW.COM

Реклама