Состојбата со коронавирусот во Германија е „многу загрижувачка“, вели водечки експерт | Информации и анализи за Германија | DW | 28.07.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Состојбата со коронавирусот во Германија е „многу загрижувачка“, вели водечки експерт

Водечкиот германски експерт за контрола на болести апелираше до граѓаните да бидат подисциплинирани поради растечкиот број на зараза со коронавирусот.

Состојбата е „многу загрижувачка“, изјави Лотар Вилер, претседател на Институтот Роберт Кох на прес-конференција во Берлин. 
Германија долго време ја држеше под контрола пандемијата, но трендот сега е загрижувачки, и реална е заканата од втор бран. Причината, според експертот, е што многу граѓани се опуштиле и престанале да ги почитуваат хигиенските препораки и мерките наменети за спречување на заразата. Се работи за почитување на социјалната дистанца, носење маска и често миење раце.
Вилер ги критикува оние кои не ја сфаќаат сериозно пандемијата, напаѓајќи ги луѓето кои одат на масовни забави како „несовесни“. И од годишноодморците се бара да се придржуваат до правилата и кога се надвор од државата.

Вилер вели дека е прерано да се каже дали е ова почеток на втор бран на коронавирусот, но не ја исклучува таа можност.

Кон крајот на минатата недела бројот на новозаразени со коронавирус се движеше до околу 800 дневно, откако претходно долго беше ограничен на 300 до 500 случаи дневно. Од петокот досега, бројките опаѓаат и во вторникот достигнаа 600 случаи. Повеќето случаи се поврзани со локални кластери во покраините Северна Рајна Вестфалија и Баден-Виртемберг.

Германија постепено ги укинуваше рестрикциите кои беа наметнати во март, на почетокот на пандемијата, иако носењето маски и натаму е задолжително во продавници и во јавниот транспорт. Од средината на јуни беа отворени и границите за патување во рамките на ЕУ, додека за сите патници од ткн. ризични земји се воведени задолжителни ПЦР тестови на границата.

Гледај видео 00:46

Корона-криза: Барања за повторно отворање на борделите во Германија

DW.COM

Реклама