1. Прескокни до содржината
  2. Прескокни до главната навигација
  3. Кон други страници на DW
Erster Schultag in Nordmazedonien
Фотографија: Petr Stojanovski/DW
Образование

Штрајкот во мирување, децата од утре во училиште

ЖА | МИА
28 април 2022

Штрајкот во образованието е ставен во мирување, од утре учениците треба да се вратат на настава. Доколку не се постигне договор со Министерството за труд и социјална политика, штрајкот ќе се активира

https://p.dw.com/p/4AZrk

Синдикатот за образование, наука и култура (СОНК) го става  штрајкот во мирување, а учениците од утре почнуваат со настава. Причина за ваквата одлука на СОНК е добиеното известување од Министерството за труд и социјална политика за мирно решaвање на работните спорови.

Претседателот на СОНК, Јаким Неделков попладнево изјави дека по направените консултации со правни лица, донесена е одлука да се стави  штрајкот  во мирување додека трае решавањето на спорот.

„Ова е само почитување на законот, доколку не се договориме, повторно ќе го активираме штрајкот. Уверени сме дека во периодот на помирување ќе ги најдеме соодветните решенија и дека нема да има потреба да го активираме  штрајкот",  изјави Неделков.

Тој се надева дека платите ќе бидат зголемени, дневниците за време на штрајкот нема да бидат скратени и дека колективните договори ќе бидат потпишани и утврдени со рокови.

Во понеделникот (25.04), раководството на СОНК и Владата постигнаа договор за зголемување на платите од 12 проценти со јулската плата, по што одлучуваше членството на Синдикатот, кое не го прифати предлогот. Штрајкот во основното и средното  образование и детските градинки почна на 11 април. СОНК бара зголемување на платите за 18,4 проценти и усогласување на останатите со минималната плата.

 

Прескокни го блокот Поврзани теми

Поврзани теми

Прескокни го блокот Тема на денот

Тема на денот

Министерство за правда на Република Северна Македонија

За што служат законите?

Прескокни го блокот Повеќе теми
Врати се на почетната страница