Рот: Бугарија го држи во заложништво проширувањето на ЕУ | Северна Македонија | DW | 14.12.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Рот: Бугарија го држи во заложништво проширувањето на ЕУ

Нови критики на сметка на Бугарија од официјален Берлин. Во колумна за весникот Велт, германскиот министер за Европа Михаел Рот и порача на Софија дека не може да го држи во заложништво проширувањето.

Изборот на Џо Бајден за нов американски претседател нуди шанса за нов, заеднички, засилен ангажман на ЕУ и САД на Западниот Балкан, пишува Михаел Рот во авторски текст за германскиот весник Велт. Иако темата на текстот е 25 годишнина од потпишувањето на Дејтонскиот мировен договор, германскиот државен секретар големо внимание му посветува на проширувањето на ЕУ, и блокадата на Бугарија за напредокот на Северна Македонија.

„Албанија и Северна Македонија, на својот пат кон ЕУ постигнаа многу, исполнија една амбициозна реформска агенда и не дозволија да бидат сопрени од разни пречки. Со решавањето на спорот за името со Грција, Северна Македонија испиша историја во вистинската смисла на зборот“, пишува Рот.
„Оттука зеленото светло за почеток на пристапните преговори со Албанија и Северна Македонија беше вистинскиот и потребниот чекор. Сега мора во најкус рок да се одржат Меѓувладините конференции со двете земји, откако ќе се исполнат условите. Германија силно се заложи за тоа во рамките на своето претседавање со ЕУ." 

-повеќе на темата: Рот: Нема потреба од план „Б“, ЕУ и Германија остануваат со вас

Тој порачува дека „ЕУ мора да си го исполни ветеното и да испорача“, и дека Бугарија не може да ги наметнува своите билатерални барања на европско ниво.
„Пристапниот процес не смее да се одложува во недоглед затоа што една единствена ЕУ членка од него прави заложник на сопствените билатерални барања“, пишува Рот.
Германскиот министер оценува дека итно се потребни позитивни сигнали за Западниот Балкан, и додава „на коцка е ништо помалку од веродостојноста на ЕУ."
„Блиското поврзување со Западниот Балкан е во наш најголем стратешки интерес. Во спротивно, ќе настапат други актери кои немаат многу заедничко со нашите вредности. Не смееме тоа да го дозволиме во еден свет во кој сме во конкуренција со авторитарни сили."
Рот опоменува дека доколку ЕУ не успее да си ги исполни ветувањата на Западниот Балкан, тогаш не може да се профилира ниту како глобален играч.
Во таа насока, тој очекува поддршка и од новата американска администрација.
„И новата американска влада ќе очекува од нас да преземеме поголема одговорност во нашето соседство. Изборот на Џо Бајден за претседател на САД нуди шанса, повторно заеднички и одлучно да работиме за слобода, помирување и демократија на Западниот Балкан“, пишува Рот за Велт.

DW.COM

Поврзана содржина

Реклама