1. Прескокни до содржината
  2. Прескокни до главната навигација
  3. Кон други страници на DW
Nordmazedonien | Skopje | Proteste EU Beitritt
Протести против францускиот предлог во Скопје. фото: архива

Протести и марш против францускиот предлог во Скопје

5 јули 2022

Повеќе илјади граѓани и денеска излегоа на протести против францускиот предлог за почеток на пристапните преговори со ЕУ на Северна Македонија. Маршот започна пред владата, а заврши пред Собранието

https://www.dw.com/mk/%D0%BF%D1%80%D0%BE%D1%82%D0%B5%D1%81%D1%82%D0%B8-%D0%B8-%D0%BC%D0%B0%D1%80%D1%88-%D0%BF%D1%80%D0%BE%D1%82%D0%B8%D0%B2-%D1%84%D1%80%D0%B0%D0%BD%D1%86%D1%83%D1%81%D0%BA%D0%B8%D0%BE%D1%82-%D0%BF%D1%80%D0%B5%D0%B4%D0%BB%D0%BE%D0%B3-%D0%B2%D0%BE-%D1%81%D0%BA%D0%BE%D0%BF%D1%98%D0%B5/a-62373508

Протестите против францускиот предлог за почеток на пристапните преговори со ЕУ на Северна Македонија влегоа во четвртиот ден. Повеќе илјади граѓани во вторникот своето незадоволство од предлогот го изнесоа пред седиштето на владата, а оттаму продолжија преку Министерството за надворешни работи кон Собранието. За разлика од понеделникот, досега немаше обиди да се урне заштитната ограда пред владата и да се влезе во зградата.

На пат кон Собранието неколку десетици демонстранти влегоа во вербални расправии со случајни минувачи кај ТЦ Мавровка и извикуваа навредливи пароли кон албанската етничка заедница.

Кон зградата на МНР беа фрлени повеќе петарди и јајца и беше побарана оставка од министерот Бујар Османи.

Протестот продолжи пред Собранието каде повторно се бараа оставки, во прв ред од Османи, но и од целата влада. Повеќе говорници од бината порачаа дека францускиот предлог е неприфатлив за нив. 

Протестот можете да го следите во живо на нашата Фејсбук страница: 

 

Прескокни го блокот Тема на денот

Тема на денот

Бугарија парламент

Што да очекува Македонија од изборите во Бугарија?

Прескокни го блокот Повеќе теми
Врати се на почетната страница