Протести во Унгарија: Притисокот врз Орбан се зголемува | Свет | DW | 15.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Протести во Унгарија: Притисокот врз Орбан се зголемува

Унгарија ги доживува најжестоките протести во последната деценија. Луѓето излегуваат на улица за да го спречат „робовладетелскиот закон“. Но, не се протестира само против него.

На демонстрациите против донесувањето на контроверзниот Закон за работа во Унгарија, дојде до насилство и судири на демонстрантите и полицијата. Според агенциите, пред парламентот во Будимпешта се собрале помеѓу две и три илјади луѓе. Дел од учесниците на протестите фрлале со шишиња и чадни бомби врз полицајците, кои пак возвратиле со солзавец.

Гледај видео 01:36

„Никој не сака да живее во Унгарија“

Повеќе: Солзавец и апсења на протестите во Унгарија

Во Будимпешта трета вечер по ред се протестираше против т.н. „робовладетелски закон“, со кој бројот на прекувремени работни часови во годината е зголемен од 250 на 400. Демонстрантите скандираа и пароли против премиерот Виктор Орбан, како „Орбан, исчезни!“. Ова се најжестоки протести во Унгарија во последната деценија. Според наводи на полицијата, вчеравечер биле уапсени повеќе од 50 лица, а повредени биле најмалку 14 полицајци.

Левицата и екстремната десница обединети против Орбан

Протестите се организираат преку социјалните мрежи, но на учество повикаа и претставници на левичарската и на десноекстремната опозиција. Двата политички табора во средата во парламентот застапуваа иста линија и се обидоа да го споречат донесувањето на новиот Закон за работа.

Ungarn Proteste (Getty Images/L. Balogh)

Демонстрации во Будимпешта три вечери по ред

Повеќе: Унгарија е европски првак во теории на заговор

Протестите се насочени и против законот за новите управни судови, донесен исто така во средата. Судовите би требало да бидат под надзор на министерот за правда Ласло Трочани, кој му е близок на премиерот Орбан. Критичарите предупредуваат од опасноста од прекумерно политичко влијание врз правосудството.

DW.COM

Аудио и видео прилози на оваа тема

Поврзана содржина

Реклама