Последното патување на Хелмут Кол | Свет | DW | 01.07.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Последното патување на Хелмут Кол

По европската комеморација во Стразбур, вечерва во Катедралата во Шпајер беше одржан реквием за екс-канцеларот. Кол потоа е погребан на блиските гробишта во присуство на најтесен круг од семејството и пријателите.

По комеморацијата во Европскиот парламент во Стразбур, ковчегот со посмртните останки на Хелмут Кол со хеликоптер беше пренесен во Германија, со брод по Рајна до родниот Лудвигсхафен, а потоа и во Шпајер, во двата града последна почит по улиците му оддадоа илјадници граѓани.

Ludwigshafen Überführung des Sarges von Helmut Kohl nach Speyer (picture-alliance/AP Photo/U. Anspach)

Со брод ковчегот беше пренесен близу Лудфигсхафен

На посмртната миса во Катедралата во Шпајер, меѓу 1.500 поканети гости,  присуствуваа истакнати политичари од Германија и од светот. Освен германската канцеларка Ангела Меркел и германскиот претседател Франк-Валтер Штајнмајер, тука беа и претседателот на ЕК, Жан-Клод Јункер, како и поранешниот американски претседател Бил Клинтон.

Speyer Trauerfeierlichkeiten für Altkanzler Kohl, Bill Clinton und Maike Kohl-Richter (Getty Images/S. Gallup)

Бил Клинтон и Маике Кол-Рихтер

Бискупот од Шпајер, Карл-Хајнц Виземан потсети на животното дело и заслугите на поранешниот германски канцелар.

„Се простуваме од вистински голем државник“, истакна бискупот во реквиемот. За Кол, Катедралата во Шпајер била место каде постојано се навраќал, и како канцелар, и приватно, уште од своето детство, рече бискупот. „Кол од Шпајер направи светска бина“, рече Виземан, потсетувајќи дека тука канцеларот беше домаќин на бројни странски гости.

Speyer Dom Trauerfeierlichkeiten für Altkanzler Kohl (picture-alliance/dpa/U. Anspach)

Воени почести за Хелмут Кол

По мисата, пред Катедралата беше организирана воена почесна церемонија, по што ковчегот со посмртните останки на екс-канцеларот е пренесен на блиските гробишта. Хелмут Кол е погребан во присуство на најтесен круг од семејството и пријателите. Освен неговата вдовица Маике Кол-Рихтер, на погребот, како и на церемонијата во Стразбур, не присуствуваа неговите двајца синови.

Хелмут Кол, кој 16 години беше германски канцелар, почина на 16. јуни годинава на 87-годишна возраст.

 

DW.COM

Реклама