Помпео: Силна поддршка од САД за членство во НАТО | Северна Македонија | DW | 22.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Помпео: Силна поддршка од САД за членство во НАТО

Шефот на македонската дипломатија Никола Димитров синоќа во Вашингтон се сретна со американскиот државен секретар Мајк Помпео и други високи функционери во американската администрација.

По средбите Димитров рече дека си заминува во Македонија многу охрабрен од пораките кои ги добил од првите луѓе на американската дипломатија. 

„Имавме многу охрабрувачки состанок со секретарот Помпео. Фокусирани сме на домашната задача, сакаме да влеземе во НАТО и тука поддршката од нашите пријатели од САД е многу важна“, рече Димитров.

Помпео честитал за напредокот на Македонија во изминатиот период, како на планот на внатрешните реформи, така и во односите со соседите, особено со постигнувањето решение на спорот околу името.
Според него, земјата се наоѓа пред нов, многу значаен предизвик, кој доколку биде успешно надминат, ќе биде јасен сигнал за заокружување на започнатиот процес што треба да кулминира со членство на Македонија во НАТО.

Гледај видео 00:40

Средба Помпео-Димитров

Помпео не даде изјава по состанокот, но неговите зборови ги пренесе помошник-државниот секретар за Европа и Евроазија, Вес Мичел, кој рече дека САД „очекуваат успешен референдум на 30 септември“.

„Помпео многу силно го поддржа овој напор и јасно стави до знаење дека САД сакаат да ја видат Македонија како 30 членка на НАТО“, рече Мичел.

Ова беше прва средба на Димитров со Помпео, по неговото стапување на функцијата во април годинава.

 

DW.COM

Аудио и видео прилози на оваа тема

Реклама