Офанзивата на Турција во Сирија започна со отоманска музика | Свет | DW | 09.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Офанзивата на Турција во Сирија започна со отоманска музика

Турција денеска ја започна воената операција против курдските борци во североисточна Сирија откако САД се повлекоа од регионот, со серија воздушни удари врз градови на сириската страна од границата

Турскиот претседател Реџеп Таип Ердоган го најави почетокот на кампањата која следуваше по ненадејната одлука на американскиот претседател Доналд Трамп да ги повлече трупите од регионот.
Турските воени авиони веќе бомбардирале неколку погранични сириски градови, а курдски извори тврдат дека има и цивилни жртви.

Потегот на Трамп претставува драматична промена на американската политика со која во суштина се напуштаат сириските курдски борци кои беа единствениот сојузник на САД во Сирија. Потегот на Трамп предизвика жестоки критики во САД, каде претставници на обете најголеми партии најавија дека ќе сторат се за да ја сопрат офанзивата.

Републиканскиот сенатор Линдзи Греем кој досега беше поддржувач на Трамп, изјави дека турската инвазија во Сирија е „почеток на катастрофа“ и обвини дека администрацијата на Трамп „бесрамно ги напуштила курдските сојузници“. Греем се закани дека Конгресот ќе го натера турскиот претседател Ердоган да „плати голема цена“ за офанзивата.

Karte Syrien Ras al-Ayn EN

Регионот во кој започна турската воена офанзива

Според турските медиуми, во турските градови на границата кон Сирија ечат воени маршеви од отоманската ера, а во џамиите се најавени молитви за успех на операцијата. 

Паника на границата

На другата страна на границата владее паника, а светските агенции јавуваат дека во неколку места се гледаат облаци од чад и луѓе кои ги напуштаат своите живеалишта.
Курдските милиции предупредуваат од „хуманитарна катастрофа“. Во пресрет на нападот, курдските регионални власти издадоа наредба за целосна мобилизација.
Целта на турската операција е создавање на „безбедносна зона“ на територијата на Сирија која би ги пресретнала плановите на Курдите за формирање на автономен регион. Аналитичарите предупредуваат дека освен безбедносните импликации за регионот, операцијата може да предизвика и насилно иселување на стотици илјади луѓе.

Syrien Demo der Kurden gegen türkischen Militäreinsatz (AFP/D. Souleiman)

Курдите денеска протестираа во градот Рас ал-Аин на границата кон Турција

Сириското министерство за надворешни работи ја осуди инвазијата на Турција нарекувајќи ја „блатантно нарушување“ на меѓународното право.

Шефот на германската дипломатија Хајко Мас денеска го осуди турскиот напад „во најсилна смисла“.
„Турција предизвикува натамошна дестабилизација на регинот и ризикува воскреснување на Исламската држава“, изјави Мас и побара итно запирање на операцијата.

 

DW.COM

Поврзана содржина

Реклама