Од крштевки на свадби, се шират кластерите на коронавирусот | Северна Македонија | DW | 11.06.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Од крштевки на свадби, се шират кластерите на коронавирусот

Скопје останува главно жариште на коронавирусот во Северна Македонија по регистрираните нови 131 случај. Состојбата во Штип и Тетово се смирува, но останува проблемот со групните собири низ земјата.

Јунскиот тренд на троцифрен раст на бројот на заразени од коронавирусот продолжи и денеска со нови 175 случаи. Причините за ширењето на заразата остануваат непроменети: непочитување на мерките.
Од крштевка во Охрид со 200 гости и свадба во Скопје со 100 сватови досега се регистрирани 22 позитивни на вирусот, а стотина луѓе се испратени во изолација. Дополнителен проблем е што присутните на прославата одбивале да соработуваат со епидемиолозите и инспекторите.

„И покрај забраната, луѓето прават масовни собири. Нешто што апсолутно нема логика. И го осудувам, го осудуваат сите здравствени работници“, вели министерот за здравство Венко Филипче.

Скопје и натаму го држи приматот со 131 случај и, според Филипче, останува единствено жариште на Ковид-19 во земјата.

Гледај видео 01:04

Како изгледа карантинска свадба


На територијата на целата држава има и нови кластери, но во рамки на главниот град вирусот се шири низ истите кластери преку кои започна вториот бран, и сега е стигнат до трето и четврто колено на контакти.

„Сега постепено, согласно спласнувањето во Штип и постепено во тетовско, сконцентрирани сме на сузбивање на преносот на заразата тука во Скопје. Препораките на Kомисијата остануваат исти и бараме апсолутно да се почитуваат од сите граѓани, заради тоа што пред нас e уште долга битка со вирусот“, изјави Филипче на денешната прес-конференција.

Освен почитување на мерките, Филипче предупредува и од зачестените случаи на давање неточни податоци поради кои се повеќе здравствени работници одат во изолација.

DW.COM

Реклама