Наркобосот Ел Чапо е прогласен за виновен | Свет | DW | 13.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Наркобосот Ел Чапо е прогласен за виновен

Озлогласениот мексикански наркобос Хоакин Гузман, познат како Ел Чапо, веројатно остатокот на животот ќе го мине во затвор. Судот го прогласи за виновен, а казната ќе биде соопштена дополнително.

По шестдневни консултации, поротата го прогласи 61-годишниот Хоакин Гузман за виновен по сите 10 точки на обвинението. Казната ќе биде дополнително соопштена од страна на судијата Брајан Куган. Судијата веќе најави дека Гузман мора да смета со доживотна казна. Смртната казна, која е дозволена со американскиот сојузен закон, во случајот на Ел Чапо е исклучена по договор помеѓу САД и Мексико, откако наркобосот беше испорачан од Мексико.

Повеќе„Ел Чапо“ конечно во САД

За најтешкото кривично дело - членство во злосторничко организација, законот во САД предвидува доживотна казна. Останатите точки од обвинението се однесуваат на производство и интернационално ширење на кокаин, хероин и марихуана, како и употреба на огнено оружје и перење пари. Според обвинението, картелот Синалоа под раководство на Гузман во периодот од 1989 до 2014 година во САД прошверцувал речиси 155 тони кокаин и големи количества други дроги.

USA Prozess El Chapo - Joaquin Guzman | Zeichnung des Gerichtssaals (Reuters/J. Rosenberg)

Цртеж од судската сала на кој се прикажани обвинителите неспоредно пред прогласувањето на Гузман за виновен

Дванаесетчлената порота заседаваше околу 35 часа во период од шест дена. За вината на Гузман дискутираа осум жени и четири мажи. И да беше осуден по само една или неколку точки од обвинението, Ел Чапо ќе добиеше долгогодишна  или доживотна казна затвор. Ослободителна пресуда, со оглед на доказите, од почетокот на процесот изгледаше многу тешко веројатна.

Обвинителството во текот на двомесечниот судски процес поднесе огромен доказен материјал и повика повеќе од 50 сведоци. Адвокатите на Гузман, наспроти тоа, повикаа само еден единствен сведок и својата одбрана ја завршија за 30 минути. Нивната стратегија главно се базираше на тоа да ги претстават како лажговци сведоците на американската влада, односно како лица кои со своите изјави против Гузман само сакаат да си ја намалат сопствената затворска казна.

Mexiko El Chapo (picture-alliance/ZUMA/Prensa International/Ho/Pgr)

Ел Чапо на почетокот на 2017 година беше испорачан на САД

Обвинетиот се откажа од лично сведочење. Гузман е сместен во силно обезбедуваниот затвор во Менхетен, Њујорк. Не се знае дали казната ќе ја отслужи таму или ќе биде преместен во друг затвор.

На Гузман, кој поради тоа што е висок само 1,60 метри го доби прекарот „Ел Чапо“ (Кусиот), му успеа двапати да избега од затвор: во 2001 година избега во корпа за алишта за перење, а во 2015 годинапреку тунел кој до неговата ќелија го ископале негови соучесници. Ел Чапо повторно беше уапсен и на почетокот на 2017 година беше испорачан на САД.

DW.COM

Реклама