Михаел Рот предупреди: Цртање нови граници на Балкан е опасен пат | Информации и анализи за Балкан | DW | 16.04.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Михаел Рот предупреди: Цртање нови граници на Балкан е опасен пат

Михаел Рот, државниот секретар за Европа во германското министерство за надворешни работи, по наводниот предлог на словенечкиот премиер Јанез Јанша, порача дека цртање нови граници на Западен Балкан е опасен пат.

Германскиот државен секретар за Европа, преку порака објавена на Твитер, истакнува дека иднината на државите од Западен Балкан е само како мултикултурни и мултирелигиски општества. Рот смета дека приоритет на Западен Балкан е работа на помирување и соработка, а не промена на границите, што е и официјален став на ЕУ.

„Земјите од Западен Балкан имаат иднина само како мултиетнички и мултирелигиски општества. Регионалното помирување и соработка се клуч за мирот, демократијата и просперитетот. Поставувањето нови граници е опасен пат“, напиша Рот.

Повеќе на темата:

Јанез повторно би цртал граници

Да беше само Јанша...

Ехото на приказните од Словенија за „мирно разделување“ на БиХ

Реакцијата на Михаел Рот стигнува по контроверзниот нон-пејпер на словенечкиот премиер Јанез Јанша, во кој станувало збор за прекројување на границите на Западен Балкан. Во тој контекст се споменувало обединување на Албанија со Косово и дел од Северна Македонија, истовремено како и одвојување на Република Српска од Босна и Херцеговина. Темата предизвика жолчни реакции во државите на Западен Балкан.