Мас: Западниот Балкан е од големо значење | Информации и анализи за Балкан | DW | 12.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Мас: Западниот Балкан е од големо значење

Министрите за надворешни работи на земјите кои се дел од Берлинскиот процес во Варшава разговараат за ситуацијата на младите луѓе на Западниот Балкан, посебно нивното учество на пазарот на труд.

На средбата во Полска се присутни шефовите на дипломатии на земјите од Западен Балкан, меѓу кои и македонскиот мниистер Никола Димитров, претставници на Европската комисија, Европскиот сервис за акција и Канцеларијата за регионална младинска соработка. На масата за разговори се билатерални прашања, поттик на младинската размена преку Канцеларијата за младинска соработка и подготовка на наредниот самит на Западен Балкан на ниво на шефови на држави или влади, кој исто така треба да се одржи во Полска на почетокот на мај.

Пред средбата во Варшава, германскиот министер за надворешни работи Хајко Мас оцени дека „Западниот Балкан е од големо значење“ за Германија.

Bundesaußenminister Heiko Maas (DW/M. Luy)

Хајко Мас ветува натамошна германска поддршка за Западен Балкан

Помирувањето во регионот, според Мас, го попречуваат јазовите кои постојат во политиката и кои делумно сѐ уште го диктираат размислувањето, па со Берлинскиот процес, како што вели тој, „помагаме за надминување“ на тие јазови.

„Се залагаме за зајакнување на врските меѓу луѓето и економските простори во регионот преку поголема поврзаност. Скопје и Атина покажаа: се исплати конфликтите да се решаваат прагматично и да се работи на доверба на соседите. Ние во тој дел и натаму ќе пружаме поддршка, затоа што напредокот долгорочно ќе се исплати - за регионот на Западен Балкан и за Европа“, уверен е Мас.

Повеќе:

Укинување на роамингот? Се вчитува...

Што е „Маршалов план“ за Западниот Балкан?

Претседателството со Берлинскиот процес оваа година го има Полска, која дефинираше четири приоритети: економијата, поврзаност, безбедност и цивилно општество (млади, тинк тенк организации, култура). Берлинскиот процес е заедничка иницијатива на 10 ЕУ-земји, 6 држави од Западниот Балкан и Европската комисија, која дава поддршка во процесот на евроинтеграции на западнобалканските земји, а придонесува и за интензивирање на регионалната соработка.

DW.COM

Реклама