Македонските Бугари ја повикуваат Софија да не тргува со нивните права | Северна Македонија | DW | 05.01.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Македонските Бугари ја повикуваат Софија да не тргува со нивните права

Итно впишување на Бугарите во македонскиот Устав и еднаквост со другите заедници во Северна Македонија, бараат македонските Бугари во писмо до водечките бугарски политичари.

Бугарија I Протести Софија

Бугарите во Македонија бараат да бидат внесени во Уставот. фото: архива

Македонските Бугари ги повикуваат бугарските власти да не прават никакви отстапки кон Скопје, ниту да тргуваат со ветото во замена за укинувањето на американските визи и прием во Шенген зоната. 

„Апелираме до вас: не правете никакви отстапки по прашањето за нашата еднаквост. Тоа не може и не смее да биде предмет на преговори, а неговата гаранција не може да биде празно ветување за неизвесна иднина. Уставната процедура за регистрација на македонските Бугари мора да започне веднаш и сега. Бугарите мора да бидат експлицитно, подеднакво споменати меѓу другите делови на народите во Уставот на РС Македонија“, повикуваат организациите на македонските Бугари. 

Идејата за тргување со ветото на европската интеграција на Северна Македонија дојде од  лидерот на ИТН Слави Трифонов пред два дена, но брзо беше отфрлена од коалициските партнери во бугарската влада. 
„Клучот за идното проширување на Европската унија мора да биде еднаквоста и благосостојбата на сите народи во регионот и на оние делови од нив кои, по основа на сложената балканска историја, сега живеат во соседните земји, меѓу други нации", се наведува во заедничкото писмо на повеќе организации на македонските Бугари во Северна Македонија, испратено до бугарскиот претседател Румен Радев, премиерот Кирил Петков, претседателот на Народното собрание Никола Минчев и претседателите на пратеничките групи на политичките партии, пренесува Медиапул. 

Кирил Петков Румен Радев

Писмото е испратено до премиерот Кирил Петков и претседателот Румен Радев

Македонските Бугари пишуваат дека се подготвени да работат за добробитта на својата држава, но како рамноправни граѓани, а не како граѓани од „втора категорија". Според нив, тоа може да се случи само доколку добијат уставни гаранции за нивната рамноправност со другите народи, кои што се запишани во македонскиот устав. 

„Ние не сакаме ништо друго освен еднаквост. Ние сакаме, како и сите други делови на народите на РС Македонија, да се радуваме на нашиот јазик, традиции, историја, споменици и се друго што е поврзано со нашиот идентитет“. 

„Свикувањето на новото Народно собрание и формирањето на новата бугарска влада ни дава надеж дека овие наши интереси ќе бидат одлучно заштитени од вас, како државни и политички лидери на Бугарија, со оглед на тоа што над 120 илјади од нас се државјани на Република Бугарија, врз основа на докажано бугарско потекло, и уште десетици илјади се во процес на добивање бугарско државјанство“, велат македонските Бугари. 

Писмото, кое го објави бугарската агенција Бгнес, е потпишано од повеќе организации на Бугарите во С. Македонија од Скопје, Битола, Прилеп, Охрид, Кочани и други градови. 

 

 

DW.COM