1. Прескокни до содржината
  2. Прескокни до главната навигација
  3. Кон други страници на DW
bulgarische Außenministerin Ekaterina Zaharieva
Фотографија: BGNES

Захариева повторно се заканува со вето

БГ
31 октомври 2020

Северна Македонија мора да признае дека македонскиот идентитет и јазик имаат бугарски корени, доколку сака да започне преговори со ЕУ, порача во интервју за Ројтерс, бугарската министерка за надворешни работи Захариева.

https://p.dw.com/p/3kglg

Доколку двете земји не го решат проблемот, Бугарија ќе стави вето, се закани Захариева. Софија, вели таа, го губи трпението поради одбивањето на Северна Македонија да го имплементира Договорот за пријателство кој двете земји го потпишаа во 2017 година.

Клучниот проблем за Бугарија е како да ги запре барањата за признавање на македонско малцинство во земјата. Според Захариева, тој проблем ќе се реши доколку Скопје признае дека македонскиот јазик и идентитет имаат бугарски корени.
„Нашите грижи потекнуваат од бескрајните тврдења за македонско малцинство во Бугарија. Признавањето на бугарските корени ќе му стави крај на тоа“, вели Захариева.

Доколку Скопје се согласи, додава таа, Бугарија е подготвена да ги признае македонскиот „како еден од официјалните јазици во Северна Македонија“ и да го прифати македонскиот идентитет.

„Не спориме со нивното право на самоопределување, ниту со правото да си го нарекуваат јазикот како сакаат. Подготвени сме уште еднаш да ги потврдиме актуелните реалности, но тие мора да ја прифатат историска вистина“, вели бугарската министерка.

Повеќе:

Захариева нуди трампа: Реалноста за минатото

Дали дојде време да се каже – Доста е?!

Ќосев: Бугарите талкаат низ историјата

Двете држави се во постојан контакт изминативе недели, во обид да го надминат спорот во пресрет на одлуката во ЕУ за почеток на преговорите која треба да се донесе на 10 ноември. Работни групи од двете МНР-а се во секојдневен контакт и, според шефот на македонската дипломатија Бујар Османи, има напредок во разговорите.

Во четвртокот, македонскиот претседател и премиер Стево Пендаровски и Зоран Заев изјавија дека немаат намера да преговараат ниту да прават отстапки за македонскиот јазик и идентитет. 

Прескокни го блокот Поврзани теми

Поврзани теми

Прескокни го блокот Тема на денот

Тема на денот

Бугарија протест ВМРО вето Македонија

Зошто во Бугарија пак ечи „Македонијаааа!“

Mazedonien Ljupco Popovski
Љупчо Поповски
Прескокни го блокот Повеќе теми
Врати се на почетната страница